The news is by your side.

Advertisement

ڈبلیو ڈبلیو ای کی خاتون ریسلر نے ریٹائرمنٹ کا اعلان کردیا

لاس اینجلس: ڈبلیو ڈبلیو ای کی معروف ریسلر نکی بیلا نے ریسلنگ کی دنیا کو خیر باد کہتے ہوئے ریٹائرمنٹ کا اعلان کردیا۔

تفصیلات کے مطابق نکی بیلا نے ریٹائرمنٹ  کا فیصلہ کافی عرصے قبل کرلیا تھا البتہ انہوں نے 2 روز قبل رنگ میں آکر مداحوں اور شائقین کو بتایا کہ وہ اپنا 12 سالہ کریئر ختم کرنے جارہی ہیں۔

آخری فائٹ میں وہ اپنی جڑواں بہن کے ہمراہ آئیں اور بتایاکہ ’ٹوٹل بیلاز‘ کی جوڑی آج ختم ہونے جارہی ہے، اب آپ لوگ مجھے کبھی ریسلنگ کے رنگ میں نہیں دیکھیں گے۔

مزید پڑھیں: رومن رینز کی واپسی، ڈبلیو ڈبلیو ای کی رونق لوٹ آئی

نکی بیلا نے گزشتہ برس اکتوبر میں ہونے والی ‘را ویمن چیمپئن شپ‘ میں روناڈا روسیے کو شکست دی تھی اور اُس کے بعد سے وہ منظر عام سے غائب تھیں۔ اطلاعات تھیں کہ بیلا نے نئے کاروبار کا آغاز کیا ہے اور وہ مستقبل میں بھی مستقل توجہ دیں گی۔ میڈیا رپورٹس کے مطابق خاتون ریسلر نے کپڑوں اور مشروب کا کاروبار شروع کیا ہے۔

اپنی ریٹائرمنٹ کا اعلان کرتے ہوئے بیلا کا کہنا تھا کہ ’یورپ کا دورہ میرے لیے بہت اچھا تھا مگر عمر کی زیادتی کی وجہ سے مجھے شدید تھکن کا احساس ہوا اسی وجہ سے میں مقابلوں پر زیادہ دھیان نہ دے سکی‘۔

اُن کا کہنا تھا کہ نئے آنے والی کھلاڑی بہت اچھا کھیل پیش کررہی ہیں، وہ نت نئے انداز لارہی ہیں، اس لیے اب مجھے احساس ہوا کہ کنارہ کشی اختیار کرنا ہی زیادہ بہتر ہے’۔

یہ بھی پڑھیں: ڈبلیو ڈبلیو ای اسٹار اسٹیفنی میک مہون کا بھارتی گانے پر رقص، ویڈیو وائرل

بیلا نے ساتھ ہی اعلان کیا کہ وہ اپنے کاروبار کے ساتھ امور خانہ داری پر بھی دھیان دینا چاہتی ہیں کیونکہ شوہر کی مصروفیت کی وجہ سے بھی بچوں کی تربیت بہت زیادہ متاثر ہوئی۔

دوسری جانب یہ بھی اطلاع سامنے آئی ہے کہ نکی کی بہن اور اُن کی جوڑی دار بیری بیلا بھی رواں ہفتے ریسلنگ کی دنیا کو خیر باد کہنے کا ارادہ رکھتی ہیں، اُن کا رواں ہفتے اہم مقابلہ ہے۔

Comments

comments

یہ بھی پڑھیں