کراچی: معروف پاکستانی اداکارہ نمرہ خان نے اپنے دوست افتخار کے ساتھ نکاح کر کے اپنی زندگی کے نئے سفر کا آغاز کر دیا۔
تفصیلات کے مطابق اداکارہ نمرہ خان اپنے قریبی دوست افتخار کے ساتھ نکاح کے بندھن میں بندھ گئیں، اداکارہ نے اپنے شوہر کے ساتھ سوشل میڈیا کی ویب سائٹ انسٹاگرام پر تصویر شیئر کی۔ نئے شادی شدہ جوڑے کی تصویر شوشل میڈیا پر تیزی سے وائرل ہو رہی ہے۔
نمرہ خان کے مداح ان کے نکاح پر بے حد خوش ہیں اور مبارکباد دیتے ہوئے ان کے لیے نیک تمناؤں کا اظہار کر رہے ہیں۔اداکارہ نے اپنی پوسٹ میں مداحوں کی جانب سے نیک تمناؤں پر تہہ دل سے شکریہ ادا کرتے ہوئے دعاؤں کی درخواست کی۔
اداکارہ نے اے آروائی ڈیجیٹل کے مشہور ڈارمہ بھول میں اپنی اداکاری سے مداحواں کے دل جیت لیے تھے۔
