زرداری کےفوج مخالف بیان کی حمایت نہیں کی، چوہدری نثار -
The news is by your side.

Advertisement

زرداری کےفوج مخالف بیان کی حمایت نہیں کی، چوہدری نثار

اسلام آباد: آصف زرداری کے انٹر ویو پروزیرداخلہ چوہدری نثار نے وضاحت کرتے ہوئے کہا کہ میری تحریرکو فوج مخالف تقریر سےجوڑنا کھلی بددیانتی ہے ۔

سابق صدر آصف علی زرداری نے نجی ٹی وی کو انٹرویو دیا تو وزیرداخلہ چوہدری نثار کو وضاحت کرنا پڑگئی، آصف علی زرداری کےفوج مخالف بیان کی کبھی حمایت نہیں کی۔

ایک بیان میں وزیرداخلہ چودری نثار نے کہا کہ سابق صدر آصف زرداری کے اینٹ سے اینٹ بجانےوالے بیان کی سب سے پہلے انہوں نے مذمت کی تھی۔

چوہدری نثار کا کہنا تھا کہ اے پی سی میں پیپلزپارٹی اورپی ٹی آئی مخالفت کررہی تھیں،پارٹی مخالفت کے باوجود زرداری نےآئینی ترمیم کی حمایت کی، چوہدری نثار نے کہا کہ تحریر کاغلط حوالہ دیکر بدنیتی کامظاہرہ کیا گیا۔

آصف زرداری نےجو تحریر دکھائی وہ اے پی سی کے بعد لکھی، ملٹری کورٹس کے قیام میں آصف زرداری نے اہم کرداراداکیا تھا۔

Comments

comments

یہ بھی پڑھیں