The news is by your side.

Advertisement

وزیر اعظم سے وزیر داخلہ کی ملاقات، ڈان لیکس پر مشاورت

اسلام آباد: وزیر اعظم نواز شریف سے وفاقی وزیر داخلہ چوہدری نثار نے اہم ملاقات کی۔ ملاقات میں ڈان لیکس سمیت مختلف امور پر تبادلہ خیال کیا گیا۔

تفصیلات کے مطابق وزیر اعظم نواز شریف سے وفاقی وزیر داخلہ چوہدری نثار نے اہم ملاقات کی۔ ذرائع کے مطابق ملاقات میں وزیر داخلہ نے ڈان لیکس سے پیدا ہونے والی صورتحال پر وزیر اعظم کو تفصیلی بریفنگ دی۔

ذرائع کا کہنا ہے کہ حکومت نے ڈان لیکس کے معاملے پر عسکری قیادت سے بیک ڈور رابطے کیے ہیں جس کے بعد معاملے پر حکومت اور عسکری قیادت میں ڈیڈ لاک ختم ہوگیا ہے۔

ملاقات میں وزیر اعظم نے ملکی سلامتی کے اہم معاملے پر حکومت کی جانب سے کیے گئے اقدامات پر اطمینان کا اظہار بھی کیا۔

یاد رہے کہ 6 اکتوبر کو انگریزی اخبار ڈان میں صحافی سرل المیڈا کی جانب سے وزیر اعظم ہاؤس میں ہونے والے اجلاس سے متعلق دعویٰ کیا گیا کہ اجلاس میں کالعدم تنظیموں کے معاملے پر عسکری اور سیاسی قیادت میں اختلافات ہیں۔

مزید پڑھیں: ڈان لیکس کیا ہے؟

خبر پر سیاسی اور عسکری قیادت نے سخت ردعمل دیتے ہوئے قومی سلامتی کے منافی قرار دیا۔

ڈان لیکس کے معاملے پر وفاقی وزیر اطلاعات پرویز رشید کو ان کے عہدے سے فارغ کیا گیا۔

بعد ازاں ڈان لیکس سے متعلق رپورٹ میں طارق فاطمی اور پرنسل انفارمیشن افسر راؤ تحسین کے خلاف کارروائی کی سفارش کی گئی تھی جس کے بعد دونوں کو ان کے عہدے سے برطرف کردیا گیا۔

رپورٹ کو پاک فوج نے مسترد کرتے ہوئے اسے نامکمل قرار دیا تھا۔

صدر آزاد کشمیر سے ملاقات

وفاقی وزیر داخلہ چوہدری نثار سے ملاقات کے بعد وزیر اعظم سے آزاد کشمیر کے وزیر اعظم راجہ فاروق حیدر نے ملاقات کی۔

ملاقات میں راجہ فاروق حیدر نے آزاد کشمیر میں جاری ترقیاتی منصوبوں پر وزیر اعظم کو بریفنگ دی۔

راجہ فاروق حیدر نے وزیر اعظم کو بتایا کہ ترقیاتی منصوبوں میں میرٹ اور شفافیت کو یقینی بنایا جا رہا ہے۔

اس موقع پر وزیر اعظم نے آزاد کشمیر حکومت کو عوام کی فلاح و بہبود کے لیے تیزی سے ترقیاتی کام کرنے کی ہدایت جاری کرتے ہوئے کہا کہ عوام کی بہبود اور خوشحالی کے لیے مزید جوش و جذبے سے کام کیا جائے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں