The news is by your side.

Advertisement

سینئروزیرنثارکھوڑو نے ایوان کا تقدس دھوئیں میں اڑادیا

کراچی : عوامی مقامات پرتمباکونوشی نہ کرنے کا قانون سندھ اسمبلی میں دھوئیں میں اڑادیاگیا،سینئروزیر تعلیم اور وزیر پارلیمانی امور نثارکھوڑو ایوان میں دھوئیں کےچھلےبناتےرہے۔

تفصیلات کے مطابق نثارکھوڑو صرف سینئروزیرہی نہیں تعلیم کے وزیربھی ہیں، ایوان میں سگریٹ سلگاتے ہوئے بھول گئے کہ اسی اسمبلی نےعوامی مقامات پرتمباکونوشی نہ کرنے کاقانون بنایا تھا۔

سندھ اسمبلی اجلاس ختم ہوا تو سینئروزیراپنی نشست سے اٹھے اور لائٹرسےسگریٹ سلگالی،ان کے ساتھ تین ارکان بھی سگریٹ کے دھوئیں سے مستفید ہوتے رہے۔ قریب ہی دوخواتین ارکان بھی موجود تھیں۔

نثارکھوڑو نے نہ صرف اپنی اسمبلی کے بنائے قانون کامذاق اڑایا بلکہ ایوان کاتقدس بھی پامال کیا،ان ہی کی پارٹی کےرہنما قمرزمان کائرہ نے بھی نثارکھوڑو کی حرکت پرتنقید کی۔

نثارکھوڑو شاید بھول گئے کہ یہ اسمبلی ہال ہے۔ چائے خانہ یا بس اسٹاپ نہیں۔ اب اگرکل کوئی بچہ اپنی کلاس میں سگریٹ سلگالے۔ تووزیرتعلیم صاحب اسے کیسے روکیں گے؟

Comments

comments

یہ بھی پڑھیں