ایم کیو ایم کا نیا گروپ بھی بن گیا، نثار کھوڑو کا انکشاف nisar khoro
The news is by your side.

Advertisement

ایم کیو ایم کا نیا گروپ بھی بن گیا، نثار کھوڑو کا انکشاف

کراچی: پیپلزپارٹی کے رہنما نثار احمد کھوڑو نے کہا ہے کہ ایم کیو ایم میں ایک اور دھڑا بن گیا ہے، پی آئی بی، بہادر آباد کے بعد ڈٰیفنس گروپ بھی سامنے آگیا ہے۔

ان خیالات کا اظہار انہوں نے میڈیا سے گفتگو کرتے ہوئے کیا، نثار کھوڑو نے کہا کہ کراچی کو قید رکھنے والوں کے ٹکڑے ٹکڑے ہوگئے، آج لوگ بیٹھ کر گنتے ہیں کہ ایم کیو ایم کے کتنے ٹکڑے ہوئے، وہ ایک دوسرے کے خلاف اکھاڑ پچھاڑ کررہے ہیں، ان کے پول کھل گئے ہیں۔

سینیٹ الیکشن میں کامیابی پر انہوں نے کہا کہ ہم نے سینیٹ میں جیت کر دکھایا، بڑی بڑی باتیں کرنے والوں کا صفایا کردیا۔

نثار کھوڑو نے کہا کہ ہم جیلوں سے تھکے نہیں، کوڑوں سے گھبرائے نہیں، آگے بڑھ رہے ہیں، جنہوں نے پیپلزپارٹی سے زیادتی کی ان کا مقابلہ کررہے ہیں۔

انہوں نے کہا کہ ملک سے وفاداری کی قسم کھائی ہے، ملک پر غلط نظر ڈالنے والی آنکھیں نکال لیں گے۔

رہنما پیپلزپارٹی کا کہنا تھا کہ ہم نواز شریف کی طرح بھگوڑے نہیں، کیوں نکالا، کیوں نکالا سے کچھ نہیں ملے گا، سندھ سمیت پورے پاکستان میں آنے والے دن پیپلزپارٹی کے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں