چوہدری نثارنے پاکستانی ٹیم کے بھارت جانے کی مخالفت کردی -
The news is by your side.

Advertisement

چوہدری نثارنے پاکستانی ٹیم کے بھارت جانے کی مخالفت کردی

اسلام آباد: وزیرِداخلہ چوہدری نثارعلی خان نے کرکٹ ٹیم کے بھارت جا کرپاک بھارت سیریزکھیلنے کی مخالفت کردی۔

تفصیلات کے مطابق وزیرداخلہ نے میڈیا سے گفتگو کرتے ہوئے کہا کہ بھارت میں کرکٹ کی دعوت کسی صورت قبول نہ کی جائے۔

وزیر داخلہ چوہدری نثار کا کہنا تھا کہ بھارت میں ہمارے لوگوں کے ساتھ جو کچھ ہوا اس میں بھارتی حکومت ملوث تھی۔

ان کا کہنا تھا کہ پاک بھارت کرکٹ سیریزکا معاملہ وزیراعظم کے سامنے پیش کیا جائے گا۔

اس سے قبل چیئرمین پی سی بی شہریار خان نے میڈیا سے گفتگو کرتے ہوئے کہا تھا کہ بھارت کے ساتھ سیریز کھیلنا چاہتے ہیں تاہم موجودہ حالات میں ایسا ہوتا ممکن نظرنہیں آرہا۔

واضح رہے کہ بھارت نے پی سی بی کو دعوت دی تھی کہ پاک بھارت سیریز کھیلنے کی لئے پاکستانی ٹیم بھارت آجائے۔

اس سے قبل پی سی بی نے بھارت کے سیکورٹی خدشات پریواے ای میں سیریز کھیلنے کی دعوت دی تھی۔

Comments

comments

یہ بھی پڑھیں