hockey نشان حیدر ہاکی ٹورنامنٹ: انٹرنیشنل کھلاڑیوں کی کراچی آمد nishan-e-haider
The news is by your side.

Advertisement

نشان حیدر ہاکی ٹورنامنٹ: انٹرنیشنل کھلاڑیوں کی کراچی آمد

کراچی: ہاکی کے انٹرنیشنل گول کیپرز کی آمد کا سلسلہ شروع ہوگیا، گیارہ انٹرنیشنل کھلاڑی دو مرحلوں میں پاکستان پہنچ کر نشانِ حیدر ہاکی ٹورنامنٹ میں شرکت کریں گے۔ٹورنامنٹ آج سے شروع ہوگا۔

تفصیلات کے مطابق ہاکی کے کھیل کو فروغ دینے کے لیے انٹر نیشنل ہاکی کے گول کیپرز کی کراچی آمد کا سلسلہ شروع ہوگیا، پہلے مرحلے میں ارجنٹائن کے چار کھلاڑی کراچی پہنچ گئے ہیں۔

دوسرے مرحلے میں سات آسٹریلین کھلاڑی ٹورنامنٹ میں شرکت کے لیے جلد کراچی پہنچیں گے، مذکورہ انٹرنیشنل کھلاڑی نشانِ حیدر ہاکی نائن سائیڈ اے ٹورنامنٹ میں شرکت کریں گے۔

کراچی پہنچنے پر ارجنٹائن گول کیپر نے میڈیا سے گفتگو کرتے ہوئے کہا کہ پاکستان آکر کافی خوشی محسوس ہورہی ہے، پاکستان ہاکی کے بارے میں کافی کچھ سنا ہے، انہوں نے کہا کہ پاکستانی کھلاڑیوں سے مل کراچھا کھیلےکی کوشش کرینگے۔

واضح رہے کہ ٹورنامنٹ کے مقابلے آج بروز بدھ  سے عبد الستار ہاکی اسٹیڈیم میں شروع ہوں گے جس میں مقامی اور عالمی کھلاڑی مدِ مقابل ہوں گے، ذرائع کے مطابق وزیراعلیٰ سندھ مراد علی شاہ افتتاحی تقریب کے مہمان خصوصی ہونگے۔

Comments

comments

یہ بھی پڑھیں