The news is by your side.

Advertisement

نشوہ کیس: دارالصحت اسپتال انتظامیہ نے بچی کے علاج کا بیڑہ اٹھا لیا، ہر طرح تعاون کی یقین دہانی

دارالصحت اسپتال انتظامیہ کا ایکشن، ایگزیکٹو ڈائریکٹر مستعفیٰ، 2 پیرامیڈک فارغ

کراچی: نشوہ کیس میں غفلت برتنے والے دارالصحت اسپتال کے ایگزیکٹو ڈائریکٹر شہزاد عالم نے اپنے عہدے سے استعفیٰ دے دیا، انتظامیہ نے اعلان کیا ہے کہ بچی کے والدین کی ہر طرح سے مدد کی جائے گی جبکہ وزیراعلیٰ سندھ کے سامنے بھی کمیٹی پیش ہوگی۔

تفصیلات کے مطابق دارالصحت اسپتال میں علاج کرانے والی نشوہ کو اوورڈوز انجیکشن لگانے کے معاملے پر انتظامیہ حرکت میں آگئی اور انہوں نے ملازمین کے خلاف ایکشن لینا شروع کردیا۔

دارالصحت اسپتال کے ایگزیکٹو ڈائریکٹر شہزاد عالم نے استعفیٰ دیا جبکہ 2 کوالیفائیڈ پیرا میڈک اسٹاف کو بھی نوکری سے برطرف کیا گیا۔ انتظامیہ نے اعلان کیا ہے کہ ہیلتھ کیئر کمیشن کی تجاویز پر من و عن عمل کیا جائے گا اور متاثرہ بچی کے اہل خانہ کی ہر طرح سے مدد کی جائے گی جس میں مالی معاونت بھی شامل ہے۔

بورڈ آف ڈائریکٹرز کے اجلاس میں انتظامیہ نے فیصلہ کیا کہ نشوہ کے علاج پر آنے والے اخراجات خود ادا کیے جائیں گے اور اس حوالے سے اُن کے والد کو یہ پیش کش بھی کی جائے گی کہ وہ جس اسپتال سے دل چاہیں علاج کرائیں، اسپتال انتظامیہ مکمل تعاون کرے گی۔

مزید پڑھیں: نشوہ کیس: دارالصحت اسپتال کا ملازم عدالت میں پیش، بیان ریکارڈ، اہم انکشافات

دوران اجلاس بورڈ آف ڈائریکٹرز نے نشوہ کیس ہر گہرے رنج وغم کا اظہارکیا،نشوہ اوراہل خانہ کی ہرطرح کی مدد اور مالی معاونت کرنے کافیصلہ کیا۔ اعلامیہ کے مطابق بورڈ نے گزشتہ ہنگامی اجلاس میں معاملے کی تحقیقات کیلئے کمیٹی تشکیل دی تھی،کمیٹی کے سربراہ نے کیس سے متعلق ممبران کو صورتحال سے آگاہ کیا۔

کمیٹی سربراہ نے بورڈ آف ڈائریکٹرز کو آگاہ کیا کہ نشوہ کا کیس تربیت یافتہ انسانی پیرامیڈک کی غفلت کانتیجہ ہے،دوکوالیفائیڈ پیرامیڈک اسٹاف کو نشوہ کیس میں فارغ کردیا گیاجبکہ اب تمام میڈیکل اسٹاف کی کڑی نگرانی کی جارہی ہے، اسٹاف کے بالواسطہ طور پر اس کیس میں کام پر کڑی نظر رکھی جائے۔

یہ بھی پڑھیں: نشوا کے مظلوم باپ پر صلح کے لیے دباؤ ڈالے جانے کا انکشاف

شہزاد عالم کا استعفیٰ منظور ہونے کے بعد انتظامیہ نے عہدہ فی الوقت سینئر ترین ڈاکٹر کو سونپ دیا، اجلاس نے یہ بھی اعلان کیا کہ لیاقت نیشنل اسپتال میں نشوہ کے علاج پرآنے والے تمام اخراجات دارالصحت اسپتال ہی ادا کرے گا جبکہ انتظامیہ وزیراعلیٰ سندھ کی کمیٹی کے سامنے بھی پیش ہوگی۔  بورڈ آٖف ڈائریکٹرز نے انتظامیہ کو ہدایت کی ہے کہ ایسے اقدامات کئے جائیں کہ آئندہ اس طرز کے واقعات پیش نہ آئیں۔

Comments

comments

یہ بھی پڑھیں