The news is by your side.

Advertisement

این ایل سی کیس : عبدالحق کےلواحقین کو 2کروڑ روپےاداکرنیکاحکم

کراچی : سندھ ہائی کورٹ نے این ایل سی ٹرالر کیس میں جاں بحق شہری عبدالحق کے لواحقین کو دوکروڑ روپے ادا کرنےکا حکم دے دیا ۔

عدالت نے ریمارکس میں کہا کہ کراچی میں ہیوی ٹریفک شہریوں کیلئے کسی قاتل سے کم نہیں, کراچی میں ٹریفک حادثات روز کا معمول بن گئے ۔

ہیوی ٹریفک شہریوں کیلئے کسی قاتل سے کم نہ رہی۔کاروباری اور دفتری اوقات میں پہلے بھی کئی بار انتظامیہ نے ہیوی ٹریفک کا داخلہ شہرمیں ممنوع قرار دیا ۔

تاہم رشوت خورٹریفک پولیس اہلکاروں کی بدولت ڈرائیورحضرات اس پابندی کی خلاف ورزی کرتے رہے۔

سندھ ہائی کورٹ نے این ایل سی ٹرالر کیس کی سماعت کے دوران ٹریفک کے بڑھتے ہوئے حادثات پر شدید برہمی کا اظہار کیا اور دو ہزار پانچ میں این ایل سی ٹرالر کی زرد میں آنے والے شہری عبدالحق غوری کے حق میں فیصلہ سناتے ہوئے اس کے لواحقین کو دو کروڑ روپے اداکرنے کا حکم دیا۔

عدالت نے ریمارکس جاری کئے کہ ہیوی ٹریفک شہریوں کے لئے قاتل بن گئی ہے ۔ لہذا انتظامیہ ممنوعہ اوقات میں ہیوی ٹریفک کے شہرمیں داخل نہ ہونے کو یقینی بنائے۔

Print Friendly, PDF & Email

Comments

comments

یہ بھی پڑھیں