چیئرمین پی سی بی نے کہا ہے کہ ورلڈ کپ 2023 تک کپتانی یا کوچنگ اسٹاف میں کوئی تبدیلی نہیں کی جائے گی۔
پاکستان کرکٹ بورڈ (پی سی بی) کی انتظامی کمیٹی کے چیئرمین ذکا اشرف نے تصدیق کی ہے کہ ہندوستان میں ہونے والے 2023 ورلڈ کپ تک موجودہ کوچنگ اسٹاف میں تبدیلیوں کا کوئی منصوبہ نہیں ہے۔
ذکا اشرف نے اس یقین کا اظہار کیا کہ موجودہ ٹیم کی کارکردگی تسلی بخش ہے اور استحکام برقرار رکھنے کی اہمیت پر زور دیا۔
ایک مقامی میڈیا آؤٹ لیٹ کے ساتھ بات چیت کے دوران انہوں نے کہا کہ مجھے یقین ہے کہ یہ ٹیم پرفارم کر رہی ہے اور ہمیں انہیں پریشان نہیں کرنا چاہیے۔
انہوں نے مزید کہا کہ "فی الحال، ہمارا کوچنگ اسٹاف یا کھلاڑیوں کو تبدیل کرنے کا کوئی ارادہ نہیں ہے ہم نے اپنی ٹیکنیکل کمیٹی کے ساتھ پہلے ہی اس پر بات کی ہے ہم انہیں وقت دیں گے کیونکہ ایشیا کپ اور ورلڈ کپ بالکل قریب ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں