The news is by your side.

Advertisement

کرکٹ ٹیم میں تبدیلی کی ضرورت نہیں، وسیم اکرم

لاہور: سابق کپتان اور کراچی کنگز کے صدر وسیم اکرم نے کہا ہے کہ آسٹریلیا سے شکست کے بعد ٹیم میں تبدیلی کی ضرورت نہیں ہے۔

تفصیلات کے مطابق سابق کپتان وسیم اکرم نے میڈیا سے گفتگو کرتے ہوئے کہا کہ سری لنکا کے خلاف ہوم سیریز کے لیے قومی ٹیم میں تبدیلی کی ضرورت نہیں ہے، ان ہی کھلاڑیوں پر بھروسہ رکھا جائے۔

وسیم اکرم نے کہا کہ سری کے خلاف یہی ٹیم رہنی چاہئے، یہی لڑکے ہوم سیریز میں پرفارم کرکے دکھائیں گے۔

وسیم اکرم کا کہنا تھا کہ نیا کوچ آیا ہے ان کا الگ طریقہ ہے، مصباح کو وقت دینا چاہئے، سری لنکا اور آسٹریلیا سے ہم ہار گئے جس پر دکھ ضرور ہے تاہم فوری طور پر ردعمل دینا بھی مناسب نہیں ہے۔

مزید پڑھیں: مصباح الحق کے تین عہدے، نتیجہ صفر، شائقین اور سابق کرکٹرز کی کڑی تنقید

انہوں نے کہا کہ مصباح الحق نے ابھی حال ہی میں کرکٹ ٹیم کی ذمہ داریاں سنبھالی ہیں، سری لنکا کے خلاف مصباح نے عمر اکمل اور احمد شہزاد کو موقع دیا کیونکہ وہ پرانے کھلاڑیوں کو آزمانا چاہتا تھا تاہم وہ پرفارم نہیں کرسکے۔

واضح رہے کہ سابق کرکٹرز نے سری لنکا اور آسٹریلیا کے ہاتھوں سیریز میں شکست کے بعد ٹیم میں تبدیلیوں کا مطالبہ کیا ہے۔

سابق کرکٹرز کا کہنا ہے کہ ڈومیسٹک میں پرفارم کرنے والے کھلاڑیوں کو موقع فراہم کیا جائے۔

یاد رہے کہ ڈومیسٹک سیزن میں فواد عالم کی عمدہ کارکردگی کا سلسلہ جاری ہے، سرفراز احمد نے ڈومیسٹک سیزن میں پانچ سال بعد سنچری بنائی ہے۔

Comments

comments

یہ بھی پڑھیں