تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

کشمیر کاز پر کسی صورت سمجھوتا نہیں ہوگا: وزیر اعظم عمران خان

اسلام آباد: وزیر اعظم عمران خان سے آج سینئر قانون دان بابر اعوان نے ملاقات کی جس میں سیاسی، قانونی اور آئینی امور پر تفصیلی تبادلہ خیال کیا گیا۔

تفصیلات کے مطابق پی ٹی آئی کے سینئر رہنما بابر اعوان نے وزیر اعظم عمران خان سے ملاقات کی ہے، وزیر اعظم نے اس موقع پر کہا کہ پر امن اور سیاسی احتجاج تمام جماعتوں کا آئینی حق ہے۔

وزیر اعظم نے کہا کہ ملک کو سیاسی اور معاشی استحکام کی جانب بڑھانا ترجیح ہے، ہماری توجہ عوام کی فلاح و بہبود اور معاشی ترقی پر مرکوز ہے، اس لیے کامیاب جوان اور احساس پروگرام شروع کیا۔

وزیر اعظم عمران خان نے ملاقات میں واضح کیا کہ اپوزیشن کے احتجاج کے باعث کشمیر کاز پر کسی صورت سمجھوتا نہیں ہوگا۔

تازہ ترین:  وفاقی کابینہ نے نیب ترمیمی آرڈیننس کی منظوری دے دی

سینئر قانون دان نے کہا کہ مودی کو جو پذیرائی بھارت سے نہ مل سکی وہ مولانا نے دی، بہ ظاہر اپوزیشن کا احتجاج پر امن نہیں لگ رہا ہے، جو مناظر دیکھے ان سے انتشار کی منصوبہ بندی ظاہر ہو رہی ہے۔

بابر اعوان کا کہنا تھا دھرنوں کی مخالفت کرنے والے بھی اس کی حمایت کر رہے ہیں، مولانا فضل الرحمان نے کشمیر کاز کو نقصان پہنچانے کی پوری کوشش کی ہے۔

واضح رہے کہ آج وزیر اعظم کی زیر صدارت وفاقی کابینہ کے اجلاس میں 6 نئے قوانین آرڈیننس کے ذریعے نافذ کرنے، نیب ترمیمی آرڈیننس اور بے نامی ٹرانزیکشن ایکٹ 2017 کے ترمیمی آرڈیننس کی منظوری دی گئی ہے۔

Comments

- Advertisement -