ایم کیوایم سینیٹر ڈاکٹر فروغ نسیم نے کہا ہے کہ عمران خان کے خلاف جب تحریک عدم اعتماد پیش ہوئی تو میں نے جنرل (ر) باجوہ سے غیررسمی گفتگو کرتے ہوئے پوچھا ہمیں کیا کرنا چاہیے۔
ڈاکٹر فروغ نسیم نے اےآر وائی نیوز سے خصوصی گفتگو کرتے ہوئے کہا کہ پاک فوج سے میرا رابطہ رہا ہے اور رہے گا سابق آرمی چیف جنرل ریٹائرڈقمرجاوید باجوہ سےاچھاتعلق ہے جنرل ریٹائرڈ باجوہ سے میرا رابطہ رہتا تھا اور رہے گا۔
انہوں نے کہا کہ عمران خان کیخلاف عدم اعتماد کی تحریک جب پیش ہوئی توان سےبات کی ان سے سرکاری حیثیت میں بات نہیں کی تھی جنرل (ر) باجوہ سے غیررسمی گفتگو کرتے ہوئے پوچھا ہمیں کیا کرنا چاہیے تو انہوں نے واضح الفاظ میں کہا یہ آپ کامعاملہ ہے۔
ڈاکٹرفروغ نسیم کے بقول جنرل(ر) قمرجاویدباجوہ نےکہا جو آپ کے بہترمفاد میں ہو وہ فیصلہ کریں آپ کو بہتر معلوم ہے کہ آپ کے بہتر مفاد میں کیا ہے آپ اپنے فیصلے میں آزاد ہیں۔
ایم کیوایم سینیٹر نے واضح کیا کہ نہ جنرل (ر) باجوہ کوئی ہدایت دے رہےتھے نہ ہم ان سےہدایت لےرہے تھے عدم اعتماد کےوقت اپنےبزنس مین دوستوں ، بیوروکریٹ سے بھی بات کی اس میں کوئی حیرت زدہ بات نہیں۔
