The news is by your side.

Advertisement

وزیراعلیٰ بلوچستان جام کمال کے خلاف تحریک عدم اعتماد پیش

کوئٹہ : وزیراعلیٰ بلوچستان جام کمال کے خلاف تحریک عدم اعتماد پیش کردی گئی، جس میں کہا گیا ہے کہ جام کمال خان کوخراب کارکردگی پرعہدے سے ہٹایا جائے۔

تفصیلات کے مطابق بلوچستان اسمبلی کا اجلاس اسپیکر اسمبلی عبدالقدوس بزنجو کی زیر صدارت ہوا، اجلاس میں وزیراعلیٰ بلوچستان جام کمال کے خلاف تحریک عدم اعتماد پیش کی گئی۔

قرارداد کے متن میں کہا گیا ہے کہ جام کمال کی خراب حکمرانی کے باعث مایوسی،بدامنی،بیروزگاری ہے ، جام کمال کی خراب حکمرانی کے باعث اداروں کی کارکردگی متاثرہوئی ہے۔

قرارداد میں کہا ہے کہ وزیراعلیٰ خود کوعقل کل سمجھ کراہم امورکو بغیرمشاورت چلارہےہیں، بغیرمشاورت امور چلانےسے صوبے کو ناقابل تلافی نقصان پہنچایاگیا، بیوروکریٹس،ڈاکٹرز،طلبا،زمیندار سراپااحتجاج ہیں۔

قرارداد میں مطالبہ کیا گیا کہ جام کمال خان کوخراب کارکردگی پرعہدے سے ہٹایا جائے۔

بلوچستان اسمبلی کے اجلاس میں 65اراکین کے ایوان میں سے33اراکین نے تحریک عدم اعتماد لانے کیلئے ووٹ دئیے۔

بلوچستان اسمبلی اجلاس سے قبل وزیراعلیٰ جام کمال نے میڈیا سے گفتگو کرتے ہوئے کہا تھا کہ تحریک عدم اعتمادآج پیش ہونےجارہی ہے، اسپیکرآج ووٹنگ کا دن طے کریں گے، ہم بھی پراعتمادہیں سیاست میں سب پراعتمادہیں، اصل بات ووٹنگ کےدن ظاہرہوگی۔

جام کمال نے مزید کہا کہ کیسےممکن ہےحکومتی ارکان اپوزیشن سےملکرتحریک لائیں، اپوزیشن حکومتی لوگوں میں نااتفاقی کی کوشش کررہےہیں، اپوزیشن سیاست کرتی ہےتو اپنے بل بوتے پر کرتی، پہلی باراپوزیشن حکومتی بل بوتےپرسیاست کررہی ہے۔

Comments

یہ بھی پڑھیں