The news is by your side.

Advertisement

ناراض اراکین نے جام کمال کے خلاف تحریک عدم اعتماد جمع کرا دی

کوئٹہ: ناراض اراکین نے جام کمال کے خلاف تحریک عدم اعتماد جمع کرا دی۔

تفصیلات کے مطابق وزیر اعلیٰ بلوچستان جام کمال کے خلاف اسمبلی کے 14 اراکین نے سیکرٹریٹ میں تحریک عدم اعتماد جمع کرا دی۔

ناراض اراکین نے میڈیا سے گفتگو میں بتایا کہ تحریک عدم اعتماد پر اسمبلی کے چودہ اراکین نے دستخط کیے ہیں، ناراض اراکین کا کہنا ہے جام کمال کو عزت سے مستعفی ہونے کی پیش کش کی مگر وہ مقابلے پر اتر آئے، ان سے کہا گیا کہ اپنے اقتدار کے لیے بی اے پی کو خراب نہ کریں۔

جمیعت علمائے اسلام کی وزیراعلیٰ جام کمال کی حمایت سے معذرت

تحریک عدم اعتماد پر جن اراکین نے دستخط کیے ہیں ان میں میر محمد جمالی، عبدالرحمان کھیتران، عبدالقدوس بزنجو، اسداللہ بلوچ، نصیب اللہ مری، ظہور بلیدی، سکندر عمرانی، لیلیٰ ترین، اکبر آسکانی، محمدخان لہڑی، ماہ جبین شیران، بشر ارند، صالح بھوتانی، اور مستورہ بی بی شامل ہیں۔

بلوچستان میں بلدیاتی انتخابات

الیکشن کمیشن نے بلوچستان میں بلدیاتی انتخابات کے کیس کا حکم نامہ جاری کرتے ہوئے بلوچستان حکومت کی بلدیاتی قانون میں ترمیم کے لیے مہلت دینے کی استدعا منظور کر لی۔

الیکشن کمیشن نے بلوچستان حکومت کو تین ہفتے میں ترامیم یقینی بنانے کی ہدایت کی ہے، حکم نامے کے مطابق بروقت ترمیم کر کے نوٹیفکیشن جاری نہ کیا گیا تو مقدمہ دوبارہ سماعت کے لیے مقرر ہوگا۔

اگر عدالتی حکم پر عمل درآمد نہ ہوا تو آئندہ سماعت پر چیف سیکریٹری بلوچستان ذاتی حیثیت میں پیش ہوں گے۔

Comments

یہ بھی پڑھیں