The news is by your side.

Advertisement

تحریک عدم اعتماد : اپوزیشن کے 8ایم این ایز کا حکومت سے رابطہ

اپوزیشن کی جانب سے تحریک عدم اعتماد کی تیاریاں زور شور سے جاری ہیں، اس امتحان سے بنرد آزما ہونے کیلئے حکومت اتنی پر اعتماد کیوں ہے اس کی وجہ سامنے آگئی۔

اس حوالے سے ذرائع نے دعویٰ کیا ہے کہ اپوزیشن جماعتوں کے 8ایم این ایز نے حکومت کو ساتھ دینے کی یقین دہانی کرادی ہے۔

ذرائع کا کہنا ہے کہ اس سلسلے میں 2اپوزیشن رہنماؤں نے منسٹر انکلیو میں وفاقی وزراء سے کچھ دیر پہلے اہم ملاقات کی ہے۔

ذرائع کے مطابق تحریک عدم اعتماد کو ناکام بنانے کیلئے حکومت کے اپوزیشن کے مزید ارکان سے بھی رابطے جاری ہیں۔

مزید پڑھیں : اپوزیشن نے وزیراعظم عمران خان کے خلاف تحریک عدم اعتماد جمع کرادی

یاد رہے کہ اپوزیشن نے وزیراعظم عمران خان کے خلاف تحریک عدم اعتماد جمع کرادی ہے، قبل ازیں اپوزیشن کے ارکان تحریک عدم اعتماد جمع کرانے قومی اسمبلی پہنچے، ارکان میں مریم اورنگزیب، شازیہ مری اور سعد رفیق، نوید قمر، رانا ثنااللہ، ایاز صادق شامل تھے۔

Comments

یہ بھی پڑھیں