منگل, فروری 18, 2025
اشتہار

ارکان کو تحریک عدم اعتماد کا نوٹس جاری

اشتہار

حیرت انگیز

وزیراعظم عمران خان کے خلاف تحریک عدم اعتماد سے متعلق ارکان قومی اسمبلی کو باضابطہ طور پر آگاہ کر دیا گیا۔

تفصیلات کے مطابق سیکرٹری قومی اسمبلی کی جانب سےعدم اعتماد کا نوٹس ارکان کو جاری کر کے آگاہ کیا گیا ہے۔ قومی اسمبلی کے قواعدوضوابط کےتحت ارکان کو نوٹس بھیجا گیا ہے۔

نوٹس سیکرٹری قومی اسمبلی کی جانب سےبھیجا گیا ہے تمام ارکان کوتحریک عدم اعتمادکی کاپی بھی بھیجی گئی۔

آرٹیکل 95کےتحت تحریک عدم اعتماد جمع کرائی گئی ہے جس پر اپوزیشن ارکان کے دستخط ہیں۔

آٹھ مارچ کو اپوزیشن ارکان نے اسپیکر قومی اسمبلی کے چیمبر میں قومی اسمبلی کا اجلاس بلانے کی ریکوزیشن اور وزیراعظم عمران خان کے خلاف تحریک عدم اعتماد جمع کروائی تھی۔

ایازصادق ،مریم اورنگزیب ،شازیہ مری ،سعد رفیق نے تحریک جمع کرائی۔ ریکوزیشن جمع کرانے کے بعد اسپیکر قومی اسمبلی 15 دن میں اجلاس بلانے کے پابندہوں گے ، دوران اجلاس تحریک عدم اعتمادپر7دن میں کارروائی کرنا ہوگی۔

اہم ترین

جہانگیر خان
جہانگیر خان
جہانگیر خان اے آر وائی نیوز اسلام آباد کے نمائندے ہیں۔ وہ پارلیمانی امور، صحت، کشمیر، جی بی اور پیپلز پارٹی سے متعلق خبریں رپورٹ کرتے ہیں۔

مزید خبریں