عمران خان اور ڈونلڈ ٹرمپ میں کوئی فرق نہیں ہے‘راناثنااللہ -
The news is by your side.

Advertisement

عمران خان اور ڈونلڈ ٹرمپ میں کوئی فرق نہیں ہے‘راناثنااللہ

لاہور : صوبائی وزیرقانون رانا ثنااللہ کاکہناہےکہ قوم 2013کے انتخابات میں پاکستانی ڈونلڈٹرمپ سے بال بال بچ گئی ہے۔

تفصیلات کےمطابق صوبائی وزیرقانون راناثناللہ نےمیڈیا سے بات کرتے ہوئےکہاکہ مسلم لیگ(ن)کی حکومت میں کسی سیاستدان کاقرض معاف نہیں کیاگیا،انہوں نےکہاکہ موجودہ اور پہلےادوار میں بھی کوئی قرض معاف نہیں کیاگیا۔

راناثناللہ نےکہاکہ جس بھی محکمے نے بروقت جواب نہیں دیا یہ اس محکمے کی غفلت ہے،جبکہ اسپیکر پنجاب اسمبلی متعلقہ محکمے کے خلاف کارروائی کرسکتے ہیں اور معاملہ متعلقہ قائمہ کمیٹی کے سپرد کرکےمحکمےکوبلایاجاسکتا ہے۔

صوبائی وزیرقانون کا کہناتھاکہ گھوڑانکلا نہیں ہے،قطرکےبادشاہ نے پاکستان کادورہ کرناتھا،انہوں نےکہاکہ سربراہ مملکت کے آنے پرمحکمے اس طرح کی خط وکتابت کرتے ہیں۔

انہوں نےکہاکہ عمران خان اور ڈونلڈ ٹرمپ میں کوئی فرق نہیں ہے،قوم 2013کے انتخابات میں پاکستانی ڈونلڈٹرمپ سے بال بال بچ گئی ہے۔

واضح رہےکہ راناثنااللہ کاکہناتھاکہ پاکستان کی سرزمین پردہشت گردی برداشت نہیں کی جائے گی،انہوں نےکہاکہ ضرب عضب اورنیشنل ایکشن پلان کے تحت بہت سے اقدامات کیے۔

Comments

comments

یہ بھی پڑھیں