The news is by your side.

Advertisement

گوادر ایئر پورٹ سمیت کئی بڑے منصوبوں کے لیے فنڈز جاری نہ ہونے کا انکشاف

اسلام آباد: رواں مالی سال گوادر ایئر پورٹ سمیت کئی بڑے منصوبوں کے لیے فنڈز جاری نہ ہونے کا انکشاف ہوا ہے۔

ذرائع کے مطابق رواں مالی سال کئی بڑے اور اہم منصوبوں کے لیے فنڈز جاری ہونے کے باوجود خرچ نہ ہو سکے، کئی منصوبوں پر بالکل بھی پیش رفت نہیں ہو سکی۔

ذرائع کا کہنا ہے کہ گوادر ایئر پورٹ، فیصل آباد خانیوال موٹر وے، اور کالا شاہ کاکو لاہور ہائی وے منصوبوں کے لیے فنڈز رکھے گئے لیکن فنڈز کی تخصیص کے باوجود ان منصوبوں پر کوئی پیش رفت نہیں ہوئی۔

راجن پور تا ڈی جی خان ہائی وے اور ڈی جی خان تا ڈی آئی خان سڑک پر بھی کام نہ ہو سکا، خیبر پاس اکنامک کوریڈور پر بھی رواں مالی سال کوئی پیش رفت نہ ہو سکی، یہ کوریڈور عالمی بینک کے تعاون سے بنایا جانا تھا۔

ذرائع کے مطابق سی پیک اسلام آباد تا رائے کوٹ منصوبے کے لیے اراضی کی حصول میں ناکامی کا سامنا ہے، اسی طرح گلگت بلتستان تا شندور روڈ منصوبے پر بھی کام کا آغاز نہیں ہو سکا ہے، خضدار کچلاک روڈ دو رویہ منصوبے پر بھی کام نہیں ہو سکا۔

وزارت خزانہ کے فنانشل انکلوژن و انفرا اسٹرکچر منصوبے پر بھی پیش رفت نہیں ہوئی ہے۔

Comments

یہ بھی پڑھیں