لاہور: صوبہ پنجاب میں بجلی کی طلب اور رسد برابر ہوگئی جس کے بعد صوبے میں لوڈ شیڈنگ تقریباً ختم ہوگئی۔
تفصیلات کے مطابق صوبہ پنجاب میں تعطیلات کے باعث بجلی کی طلب میں کمی ہوئی جس کے باعث بجلی کا شارٹ فال ایک ہزار میگا واٹ رہ گیا۔
ذرائع کا کہنا ہے کہ پنجاب بھر میں بجلی کی لوڈ شیدنگ نہ ہونے کے برابر ہوگئی ہے، بجلی کی مجموعی رسد 21 ہزار میگا واٹ جبکہ طلب 22 ہزار میگا واٹ ہے۔
ذرائع کے مطابق کل سے ملک میں نیا شیڈول جاری ہوگا جس کے بعد بجلی کی طلب و رسد میں اضافے اور کمی بیشی کا امکان ہے، بند پاور پلانٹس چلنے سے بھی صورتحال میں بہتری کا امکان ہے۔
حکام کا کہنا ہے کہ بڑے شہروں میں لوڈ شیدنگ نہ کرنے کا فیصلہ کیا گیا ہے تاہم ہائی لاسز فیڈرز پر چند گھنٹے لوڈ شیدنگ جاری رہے گی۔
Comments
- Advertisement -
