اسلام آباد: وزیراعظم عمران خان نے ایک بار پر کہا ہے کہ جوبھی ہوجائے میری حکومت کبھی این آر او نہیں دےگی، این آر او دینا قوم کے اعتماد سےغداری ہوگی۔
ٹوئٹر پر جاری بیان میں وزیراعظم نے لکھا کہ سینیٹ میں آج فیٹف سے متعلق 2 اہم بل مسترد ہوئے، سینیٹ میں اینٹی منی لانڈرنگ اور وقف املاک سےمتعلق بل مسترد ہوئے، پہلےدن سےکہہ رہاہوں اپوزیشن رہنماؤں کےمفادات اورقومی مفادمختلف ہیں۔
وزیراعظم نے کہا کہ مشرف نے 2 سیاسی رہنماؤں کو این آر او دیا اور قرضے چار گنا بڑھ گئے، این آر او سے ہماری معیشت برباد ہو گئی اب کوئی این آر او نہیں ہوگا، جوبھی ہوجائے میری حکومت کبھی این آر او نہیں دےگی، این آر او دینا قوم کے اعتماد سےغداری ہوگی۔
the opposition ldrs have become desperate to save their corrupt money by trying to prevent parliament from functioning; by seeking to undermine govt's effective Covid 19 strategy – a recognised global success story – & now by trying to sabotage Pak efforts to exit FATF grey list.
— Imran Khan (@ImranKhanPTI) August 25, 2020
وزیراعظم کا کہنا تھا کہ اپوزیشن جمہوریت کے لبادےمیں اپنی کرپشن اور لوٹ مار چھپانا چاہتی ہے، اپوزیشن نے پاکستان کو فیٹف بلیک لسٹ کی طرف دھکیل دیا ہے، اپوزیشن معیشت تباہ اور ملک میں غربت بڑھانا چاہتی ہے۔
انہوں نے کہا کہ این آر او نہ ملنے پر حکومت گرانے کی دھمکیاں دی جارہی ہیں، اپوزیشن لیڈر اپنی کرپشن بچانے کیلئےپارلیمنٹ کو کام کرنےنہیں دے رہے، اپوزیشن لیڈروں نےکوروناکے خلاف حکومتی کوششوں کو کمتر قراردیا، اپوزیشن لیڈر اب پاکستان کوفیٹف گرےلسٹ سےنکلنےنہیں دےرہے۔
