جمعرات, فروری 6, 2025
اشتہار

تینوں فارمیٹس میں جسپریت بمراہ سے بڑا کوئی بولر نہیں، رمیز راجہ

اشتہار

حیرت انگیز

پاکستان کرکٹ بورڈ کے سابق چیئرمین رمیز راجہ نے بھارتی فاسٹ بولر جسپریت بمراہ کو کرکٹ کے تینوں فارمیٹس کا بڑا بولر قرار دیدیا۔

رمیز راجہ نے کہا کہ میری کتاب میں جسپریت بمراہ تینوں فارمیٹس میں لیجنڈ ہیں، ان سے بڑا بولر کوئی نہیں ہے جس نے تینوں فارمیٹ کھیلے ہوں، آپ دیکھ سکتے ہیں کہ یہ لڑکا کہاں سے آیا اور کہاں پہنچ گیا۔

پاکستان ٹیم کے سابق اوپنر نے کہا کہ پہلے ان میں اعتماد کی کمی تھی اور بمراہ کا بولنگ ایکشن عجیب تھا، وہ ان فٹ تھے لیکن وہ واپس ٹیم میں آئے اور اب انھوں نے بھارت کو ورلڈ کپ جتوایا ہے۔

خیال رہے کہ آئی سی سی ٹی ٹوئنٹی ورلڈکپ میں بھارت کی فتح میں اہم کردار ادا کرنے والے جسپریت بمراہ کو ان کی کارکردگی کا صلہ مل گیا ہے۔

فاسٹ بولر جسپریت بمراہ نے بھارتی کپتان روہت شرما کو پیچھے چھوڑتے ہوئے آئی سی سی مینز پلیئر آف دی منتھ کا ایوارڈ اپنے نام کیا۔

بمراہ نے ٹی ٹوئنٹی ورلڈ کپ 2024 میں اپنی شاندار بولنگ کے بعد جون کے مہینے کے لیے بہترین مرد کرکٹر کا ایوارڈ جیتا، اس سے قبل انھیں عالمی ایونٹ کا بہترین کھلاڑی بھی قرار دیا گیا تھا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں