لاہور: وفاقی وزیر ریلوے خواجہ سعد رفیق کا کہناہے کہ کوئی شہر کسی صورت بند نہیں ہوگا اور نہ ہی کرنے دیا جائے گا۔
تفصیلات کےمطابق لاہور کےمقامی ہوٹل میں تقریب سے خطاب کرتے ہوئےخواجہ سعد رفیق کا کہناتھاکہ حکومتی پالیسیوں پر تنقید کرنے کا ہر کسی کو حق حاصل ہے لیکن شہر بند کرنے کا حق کسی کو حاصل نہیں ہے۔
وفاقی وزیر ریلوے کا کہناتھاکہ حکومت کہ ذمہ داری ہے کہ وہ دارالحکومت کی حفاظت کو یقینی بنائے اور حکومت وفاقی دارالحکومت کی حفاظت کو ہر صورت یقینی بنائے گی۔
مزید پڑھیں:جہاں روکیں وہیں بیٹھ جاؤ، عمران خان نے کارکنوں کو پلان بی دیدیا
خواجہ سعد رفیق نے کہا کہ سیاست کو سیاست کی حد تک ہی رکھا جائے تو بہتر ہے،احتجاج کی سیاست کرنےوالوں کو اس بات کااحساس ہونا چاہیے کہ اس ملک میں 46ار ب ڈالر کی سرمایہ کا ری آرہی ہے،اس میں رکاوٹ بننے کی کوشش نہ کریں ۔
انہوں نے کہا کہ چاہے جتنی بھی رکاوٹیں آئیں،انشاء اللہ اپنی نسلوں کو ایک خوش حال اور مضبوط پاکستان دے کر جائیں گے،سازشیں کرنےوالے پہلے بھی ناکام ہوئے تھے اب بھی ناکام ہوں گے۔
واضح رہے کہ قومی اسمبلی میں اپوزیشن لیڈر خورشید شاہ کا کہنا ہے کہ کسی بھی شہر کو بند کرنا غیر قانونی اورغیر آئینی ہے۔
