بھارت میں شادی کی تقریب کے دوران لڑکے اور لڑکی والوں میں جھگڑا ہوا جس کی ویڈیو سوشل میڈیا پر زیرِ گردش ہے۔
میڈیا رپورٹس کے مطابق شادی کی تقریب کے دوران کھانے میں پنیر نہ ہونے پر مہمانوں کا پارہ ہائی ہوگیا اور یوں ہال میدانِ جنگ میں بدل گیا۔
دلہا اور دلہن والوں نے ایک دوسرے کی کرسیوں اور تھپڑوں سے تواضع کی جبکہ بیچ بچاؤ کروانے والوں کو بھی خوب پھینٹی لگائی گئی۔
متعلقہ: شادی میں رس گلے کم پڑنے پر باراتی لڑ پڑے، کئی زخمی
No Paneer in Matar Paneer at Wedding: Guests of Bride And Groom Fight, Throw Chairs- WATCH.https://t.co/3gDxmvw9GI pic.twitter.com/0e17x44w5K
— TIMES NOW (@TimesNow) December 21, 2023
سوشل میڈیا پر گردش کرنے والی ویڈیو میں دیکھا جا سکتا ہے کہ شادی میں شریک لوگ ایک دوسرے پر کرسیاں اور تھپڑوں کی بارش کر رہے ہیں۔
اس پر سوشل میڈیا صارفین کی جانب سے ردعمل دیا گیا۔ ایک صارف نے لکھا کہ یہ دیکھ کر لگتا ہے تیسری جنگ عظیم پنیر پر ہوگی۔ دوسرے نے لکھا کہ یہ لوگ کرسیاں توڑ کر پنیر کے پیسے وصول کر رہے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں