The news is by your side.

Advertisement

کورونا کی تشخیص، سیرولوجیکل ٹیسٹ سے متعلق نجی لیبارٹریز کو ہدایات جاری

لاہور : پنجاب ہیلتھ کیئر کمیشن نے نجی لیبارٹریز کو منظور شدہ کٹس ہی کورونا ٹیسٹوں کے لیے استعمال کرنے کا حکم دیتے ہوئے سیرولوجیکل ٹیسٹ کرنے سے قبل کمیشن سے اجازت لینے کی ہدایت کردی۔

تفصیلات کے مطابق پنجاب ہیلتھ کیئر کمیشن نے کورونا سیرولوجیکل ٹیسٹ کرنے کے لیے نجی لیبارٹریز کو ہدایات جاری کر دیں، جس میں کہا پی سی آر ٹیسٹنگ کے بغیر سیرولوجیکل ٹیسٹ کوویڈ 19کے لیے ہرگز تشخیصی نہیں۔

پنجاب ہیلتھ کیئر کمیشن کے مطابق صرف سی ای/ ایف ڈے آئی منظور شدہ کٹس ہی ٹیسٹوں کے لیے استعمال کی جائیں اور پی سی آر ٹیسٹ کے زریعے ہی کورونا کی تشخیص کی جائے، یہ ٹیسٹ کمیشن کی منظور شدہ لیبارٹریوں سے ہی کروائے جاسکتے ہیں۔

کمیشن کا کہنا تھا کہ یرولوجیکل ٹیسٹ کسی صورت کوویڈ 19 کی تشخیص کیلیے استعمال نہیں کیا جا سکتا تاہم بیماری کی شدت جاننے اور صحتیاب ہوجانے والے پلازما ڈونرشخص کے لیے پی سی آر ٹیسٹ کے ساتھ ساتھ سیرولوجیکل (اِلائزا) ٹیسٹ بھی کیا جائے گا۔

پنجاب ہیلتھ کیئر کمیشن کے مطابق سیرولوجیکل ٹیسٹ سے صرف وہی شخص مستفید ہوسکتاہے، جس کا پی سی آر ٹیسٹ ایک سے زائد مرتبہ منفی ہوچکا ہے۔

کمیشن نے مزید کہا تمام لیبارٹریز اس حوالے سے معلومات اپنی رپورٹس میں شائع کر یں گی، یہ ٹیسٹ کرنے سے قبل کمیشن سے اجازت لی جائے گی۔ انسپیکشن ٹیمیں ان لیبارٹریوں کو چیک بھی کریں گی، ہدایات پر عدم عملدرآمد کی صورت میں سخت قانونی کارروائی کی جائے گی۔

Comments

یہ بھی پڑھیں