The news is by your side.

Advertisement

کرپشن، لوٹ مار کے دفاع کے علاوہ پیپلزپارٹی کا کوئی ہدف نہیں ہے، مراد سعید

اسلام آباد: وفاقی وزیر برائے مواصلات مراد سعید کا کہنا ہے کہ بھٹو کے سیاسی فلسفے کو زرداری نے سمندر برد کر دیا، کرپشن، لوٹ مار کے دفاع کے علاوہ پیپلزپارٹی کا کوئی ہدف نہیں ہے۔

تفصیلات کے مطابق بلاول بھٹو کی تقریر پر وفاقی وزیر مراد سعید نے ردعمل دیتے ہوئے کہا کہ امید تھی حادثاتی چیئرمین بی بی کی برسی کو’ابو بچاؤ‘مہم کے لیے استعمال نہیں کریں گے۔

مراد سعید نے کہا کہ بلاول بی بی کے جائے شہادت پر اپنے والد کی سیاست کا تنقیدی جائزہ لیتے، کرپشن، لوٹ مار کے دفاع کے علاوہ کوئی پیپلزپارٹی کا کوئی ہدف نہیں ہے، بھٹو کے سیاسی فلسفے کو زرداری نے سمندر برد کر دیا۔

وفاقی وزیر نے کہا کہ بلاول، زرداری کی سیاست کا چہرہ سندھ میں پھیلی بدحالی میں دیکھا جا سکتا ہے، پی پی کا 5 سالہ اقتدار انجام کو پہنچا لیکن بی بی کے قاتل نہ ملے، والد کی کرپشن بچانے، تقسیم کی سیاست کے سوا بلاول کا کوئی ایجنڈا نہیں ہے۔

انہوں نے کہا کہ حادثاتی چیئرمین اپنا قبلہ درست کریں، اداروں کو نہ دھمکیاں دیں، حادثاتی چیئرمین دامن پر لگے دھبے دھمکیوں سے نہیں مٹائے جاسکتے، آج کی تقریر نے واضح کر دیا ان کے قدموں تلے زمین تیزی سے سرک رہی ہے۔

مراد سعید نے کہا کہ پنجاب کی طرح سندھ بھی’جمہوری قزاقوں‘سے نجات حاصل کرے گا، سیاسی جیب تراشوں کی تجوریوں سے قوم کا مال برآمد کروائیں گے۔

Comments

یہ بھی پڑھیں