The news is by your side.

Advertisement

تحریک عدم اعتماد : ایم کیو ایم پاکستان کا وفاقی کابینہ سے استعفے دینے کا اعلان

اسلام آباد : ایم کیو ایم پاکستان نے وزیر اعظم عمران خان کی کابینہ سے استعفے دینے کااعلان کردیا ، دونوں وزرا اپنے استعفے وزیراعظم کو بھجوائیں گے۔

تفصیلات کے مطابق ایم کیو ایم پاکستان نے وفاقی کابینہ چھوڑنے کو فیصلہ کرلیا، اس حوالے سے وفاقی وزیر قانون ڈاکٹر فروغ نسیم نے کہا ہے کہ ایم کیو ایم کے دونوں وزرا آج ایک بجے اپنے استعفے دیں گے۔

ایم کیو ایم وزرا کے استعفے تحریر ہوچکے ہیں، دونوں وزرا اپنے استعفے وزیراعظم کو بھجوائیں گے۔

دوسری جانب ایم کیو ایم رابطہ کمیٹی کا اہم مشاورتی اجلاس آج دوپہر 2بجے ہوگا، ڈاکٹر خالد مقبول صدیقی اجلاس کی صدارت کریں گے۔

اجلاس میں رابطہ کمیٹی اراکین کو معاہدے اور اپوزیشن سے ملاقات پر اعتماد میں لیا جائے گا اور اجلاس کے بعد 4بجے ایم کیو ایم قیادت عدم اعتمادپرحتمی اعلان کرے گی۔

ذرائع کا کہنا ہے کہ ایم کیو ایم 4بجے متحدہ اپوزیشن کے ساتھ ملکر پریس کانفرنس کرے گی ، پریس کانفرنس میں متحدہ اپوزیشن کے اہم رہنما اور قیادت بھی شامل ہوگی۔

Comments

یہ بھی پڑھیں