The news is by your side.

Advertisement

جوہری ہتھیاروں کے خاتمے کیلئے جدوجہد کرنے والی عالمی مہم نے امن کانوبل انعام جیت لیا

اوسلو : جوہری ہتھیاروں کے خاتمے کیلئے جدوجہد کرنے والی عالمی مہم  آئی سی اے این نے امن کانوبل انعام جیت لیا۔

تفصیلات کے مطابق ناورے کی نوبل امن کمیٹی اس سال کا امن نوبل انعام پانے والے کا اعلان کردیا ،اس برس امن کا نوبل انعام جوہری ہتھیاروں کے خاتمے کیلئے چلائی جانے والی ایک بین الاقوامی مہم آئی سی اے این کے نام رہا ۔

ناورے کی نوبل کمیٹی کی جانب سے جاری کردہ بیان کے مطابق جوہری ہتھیاروں کے خاتمے کیلئے چلائی جانے والی اس بین الاقوامی مہم آئی سی اے این کے تحت جوہری ہتھیاروں کے استعمال سے ہونے والے تباہ کن اثرات کی جانب توجہ دلائی گئی۔

نوبل کمیٹی نے امن کا نوبل انعام دینے کا اعلان کرتے ہوئے کہا، طویل عرصے بعد ایک بار پھر دنیا میں جوہری ہتھیاروں کے استعمال کا خطرہ بڑھ گیا ہے، کچھ ممالک ہیں جو اپنے جوہری ہتھیاروں کو جدید بنا رہے ہیں، جس کی مثال شمالی کوریا بھی ہے۔

اس سے قبل کہا جارہا تھا کہ اس سال نوبل انعام شامی رضا کار تنظیم ’وائٹ ہیلمٹ‘ کو دیا جانے کا امکان ہے جبکہ ایسے امکانات بھی تھے کہ یہ انعام ایرانی وزیر خارجہ محمد جواد ظریف اور یورپی یونین کے خارجہ امور کی سربراہ فیڈریکا موگرینی کو دیا جا سکتا ہے کیونکہ دونوں نے ایران اور عالمی طاقتوں کے مابین جوہری ڈیل ممکن بنانے میں اہم کردار ادا کیا تھا۔

امن کا نوبل انعام جیتنے کے بعد آئی سی اے این کی جانب سے بیان میں کہا گیا کہ جوہری ہتھیاروں کے خاتمے کے لیے ہماری جدوجہد پر امن کا نوبل انعام ہمارے لیے عزت کا باعث ہے۔

خیال رہے دنیا بھر سے جوہری ہتھیاروں کے خاتمے کی عالمی مہم آئی سی اے این دنیا کے 100ممالک سے تعلق رکھنے والی غیر سرکاری تنظیموں کے اتحاد کا نام ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں