The news is by your side.

Advertisement

بڑی پیش رفت: حکومت جہانگیر ترین گروپ سے رابطے میں کامیاب

اسلام آباد: اسلام آباد میں سیاسی ہلچل جاری ہے، ایسے میں حکومت اپنے ناراض گروپ سے رابطے میں کامیاب ہوگئی ہے۔

ذرائع کے مطابق وفاقی وزیر دفاع پرویز خٹک کا جہانگیر ترین گروپ کے اہم رہنما عون چوہدری سے رابطہ ہوگیا ہے، ٹیلی فونک رابطے میں پرویز خٹک نے ارکان کی ناراضی کے معاملات پر بات چیت کی ہے۔

جہانگیر ترین گروپ کے رہنما عون چوہدری نے حکومت سے رابطے کی تصدیق کرتے ہوئے بتایا کہ رات گئے پرویز خٹک سے رابطہ ہوا، انہوں نے بتایا کہ
پرویز خٹک نےترین گروپ سےفوری طور پر انتہائی قدم نہ اٹھانے کی درخواست کی۔

ذرائع کا کہنا ہے کہ پرویز خٹک نے عون چوہدری سے کہا کہ اہم فیصلے روک لیں،جلد اہم ہیش رفت سے آگاہ کریں گے۔

یہ بھی پڑھیں:جہانگیر ترین گروپ کو منانے کی حکومتی کوششیں موثر ثابت نہ ہوسکیں

بعد ازاں عون چوہدری سے وفاقی وزیر فواد چوہدری کا بھی ٹیلی فونک رابطہ ہوا۔

واضح رہے کہ گذشتہ روز یہ خبریں زیر گردش تھیں کہ جہانگیر ترین گروپ کو منانے کی حکومتی کوششیں موثر ثابت نہ ہوسکیں، جس کے بعد ترین گروپ نے آئندہ کسی حکومتی شخصیات سے ملاقات نہ کرنے کا فیصلہ کیا تھا۔

ذرائع نے بتایا کہ چند روز قبل گورنر سندھ عمران اسماعیل نے جہانگیر ترین کو منانے کے لیے فون کیا تھا تاہم فون پر رابطے کی کوشش بھی کارآمد نہ ہوسکی تھی۔

دوسری جانب تحریک عدم اعتماد کے معاملے پر پی ٹی آئی کے ناراض رہنما علیم خان کی سیاسی ملاقاتیں جاری ہے ، ذرائع نے بتایا کہ علیم خان گروپ بھی سیاسی صورتحال میں انتظار کرو کی پالیسی پرگامزن ہے‌۔

ذرائع کے مطابق علیم خان نے اپنا پیغام وفاقی وزرا اور اعلیٰ قیادت کو پہنچا دیا ہے ، جس میں کہا گیا ہے کہ حکومت کی جانب سےپرویز الٰہی بطوروزیراعلیٰ قبول نہیں، پرویزالٰہی وزیراعلیٰ بنےتو علیم خان سمیت ان کے راستےمیں کافی رکاوٹیں ہوں گی۔

یاد رہے لندن واپسی پر وفاقی وزرا فواد چوہدری، پرویزخٹک اورعامر کیانی نے علیم خان سے رابطہ کیا تھا ، جس میں وفاقی وزرا نے علیم خان کے تحفظات دور کرنے کی یقین دہانی کرائی تھی۔

Comments

یہ بھی پڑھیں