The news is by your side.

گولڈ میڈلسٹ نوح دستگیر بٹ وطن پہنچ گئے، پرتپاک استقبال

گوجرانوالہ: کامن ویلتھ گیمز میں گولڈ میڈل حاصل کرنے والے پاکستانی ویٹ لفٹر نوح دستگیر بٹ وطن واپس پہنچ گئے۔

تفصیلات کے مطابق گولڈ میڈلسٹ ویٹ لفٹر نوح بٹ وطن واپس پہنچ گئے، اسلام آباد ایئر پورٹ پر نوح کا پرتپاک استقبال کیا گیا، اور ان پر پھولوں کی پتیاں نچھاور کی گئیں۔

ڈی جی اسپورٹس بورڈ آصف زمان نے قومی ہیرو کا استقبال کیا، نوح بٹ کے اعزاز میں سہ پہر 4 بجے نجی ہوٹل میں خصوصی تقریب کا انعقاد کیا گیا ہے۔

اس موقع پر نوح بٹ نے گفتگو کرتے ہوئے کہا کہ وہ اپنی کامیابی پر اللہ تعالیٰ کا شکر ادا کرتے ہیں۔

نوح بٹ کے والد دستگیر بٹ کے مطابق قومی ہیرو کے اعزاز میں سہ پہر چار بجے نجی ہوٹل میں خصوصی تقریب کا انعقاد کیا گیا ہے، جس کی استقبالیہ تقریب میں نوح بٹ میڈیا سے گفتگو کریں گے۔

’گولڈ میڈل اپنے والد کے نام کرتا ہوں‘

یاد رہے کہ برمنگھم میں ہونے والے کامن ویلتھ گیمز کے ویٹ لفٹنگ ٹورنامنٹ میں پاکستانی ویٹ لفٹر محمد نوح دستگیر بٹ نے سونے کا تمغہ جیتا تھا، نوح دستگیر نے اسنیچ میں 173 کلو گرام وزن اٹھایا، جب کہ کلین اینڈ جرک میں 232 کلو گرام وزن اٹھایا تھا۔

Comments

یہ بھی پڑھیں