The news is by your side.

بھارت میں ٹوئن ٹاور 12 سیکنڈ میں منہدم، ویڈیو وائرل

بھارت میں غیر قانونی تعمیر کی گئی دو بلندوبالا عمارتوں ’نوائیڈہ ٹوئن ٹاور‘ کو عدالتی حکم پر مہندم کردیا گیا ہے، جس کی ویڈیو سوشل میڈیا پر وائرل ہورہی ہے۔

بھارتی میڈیا رپورٹ کے مطابق ریاست اترپردیش میں واقع نوائیڈہ میں واقعہ غیر قانونی طور پر تعمیر بلند و بالا رہائشی عمارت کو دھماکا خیزمواد سے گرایا گیا ہے، 103 میٹر بلند جڑواں عمارتیں کو گرانے کیلئے 3700 کلو بارودی مواد استعمال کیا گیا جس سے دونوں عمارتیں صرف 12 سیکنڈز میں زمین بوس ہوگئی۔

دونوں عمارتوں کو تعمیراتی قوانین کی خلاف ورزی پر بھارتی سپریم کورٹ نے گرانے کا حکم دیا تھا۔ بھارت میں غیر قانونی عمارتوں کو منہدم کرنے کا یہ سب سے بڑا آپریشن تھا جو ٹی وی چینلز پر لائیو نشر کیا گیا۔

بھارتی حکام کا کہنا ہے کہ عمارت کو منہدم کرنے سے قبل کسی بھی جانی نقصان سے بچنے کیلئے اطراف میں موجود آبادیوں کو بھی خالی کروایا گیا تھا۔

عمارت منہدم ہونے سے 80 ہزار ٹن سے زائد ملبہ جمع ہوا ہے جسے صاف کرنے کیلئے حکام نے تین ماہ کا وقت دیا ہے۔

Comments

یہ بھی پڑھیں