The news is by your side.

Advertisement

نوکیا ایک بار پھر اپنا لوہا منوانے کے لیے تیار

فن لینڈ: موبائل کی دنیا میں راج کرنے والی کمپنی نوکیا کے نئے فون کو متعارف کرانے کی تیاریاں حتمی مراحل میں داخل ہوگئی ہیں۔

ٹیکنالوجی پر نظر رکھنے والی ویب سائٹ کی رپورٹ کے مطابق نوکیا کے لیے کام کرنے والی کمپنی ایم ایچ ڈی گلوبل نے اینڈرائیڈ اسمارٹ فون تیار کرلیا جسے نوکیا 400 کا نام دیا گیا۔

رپورٹ کے مطابق نوکیا کا نیا فون کی پیڈ والا ہوگا جو فور جی انٹرنیٹ سروس کو بھی سپورٹ کرے گا جبکہ اس میں اینڈرائیڈ آپریٹنگ سسٹم ہوگا۔

مزید پڑھیں: نوکیا کا سستا ترین اسمارٹ فون متعارف

ٹیکنالوجی پر نظر رکھنے والی ویب سائٹ کی رپورٹ کے مطابق موبائل میں وائی فائی سسٹم جبکہ اس کا پراسیسر 2.4 گیگا ہرٹز (GHz) ہوگا۔

رپورٹ میں یہ بھی بتایا گیا ہے کہ نوکیا 400 میں گوگل کی وہ تمام سروس استعمال کی جاسکیں جو ایک بڑے اینڈرائیڈ فون میں ہوتی ہیں۔

علاوہ ازیں رواں سال کمپنی کی جانب سے نوکیا 8.2، نوکیا 5.2 اور نوکیا 1.3 بھی متعارف کرائے جانے کا امکان ہے، جن کی تفصیلات پہلے ہی سامنے آچکی ہیں۔

کمپنی کی جانب سے نوکیا 400 یا اُس سے پہلے سامنے آنے والی تفصیلات کی تصدیق یا تردید نہیں کی گئی۔

fb-share-icon0
Tweet 20

Comments

comments

یہ بھی پڑھیں