نوکیا 5 پاکستان میں فروخت کے لیے پیش Nokia-5 Sale in Pakistan
The news is by your side.

Advertisement

نوکیا 5 پاکستان میں فروخت کے لیے پیش

کراچی: موبائل فون کی معروف کمپنی نوکیا نے اپنا پہلا اینڈرائیڈ فون ’نوکیا 5‘ پاکستان میں فروخت کے لیے پیش کردیا۔

تفصیلات کے مطابق نوکیا نے ایک بار پھر مارکیٹ میں اپنے قدم جمانے اور کھوئی ہوئی ساکھ کو بحال کرنے کے لیے اقدامات شروع کردیے ہیں، نوکیا کی جانب سے گزشتہ 6 ماہ کے دوران ایک بار پھر موبائل فون کے نئے ماڈلز مارکیٹ میں پیش کیے گئے۔

عالمی مارکیٹ میں نوکیا کی جانب سے تین اینڈرائیڈ سیٹ متعارف کروائے گئے جن میں نوکیا6 ، نوکیا 5 اور نوکیا 3 ہیں جبکہ پاکستان میں نوکیا 3 اور 5 متعارف کروایا گیا ہے۔

نوکیا پاکستان میں متعارف کروایا جانے والے موبائل سیٹ نوکیا 5 نئے فیچرز کےساتھ متعارف کروایا گیا ہے، بظاہر نوکیا 6 کی طرح دکھنے والے اس سیٹ میں کیمرا اسٹرپ بڑا رکھا گیا ہے۔

دو جی بی ریم ، 16 جی بی اسٹوریج اور 3 ہزار ایم اے ایچ بیٹری کے فیچرز کے حامل نوکیا 5 کی اسکرین 5.2 ہے جبکہ اس میں 13 میگا پکسلز رئیر اور 8 میگا پکسل فرنٹ کیمرہ ہے۔ پاکستان میں اس قیمت 21 ہزار 9 سو روپے مقرر کی گئی ہے۔

دیکھیں: نوکیا 8 کی پہلی جھلک

واضح رہے نوکیا کی جانب سے گزشتہ برس پرانا موبائل فون 3310 نئے فیچرز کے ساتھ مارکیٹ میں فروخت کے لیے پیش کیا گیا ہے تاہم یہ سیٹ صارفین کو متاثر کرنے میں ناکام رہا۔

Comments

comments

یہ بھی پڑھیں