موبائل فون کی صنعت میں پاکستان کی مارکیٹ پر ماضی میں راج کرنے والی کمپنی ’نوکیا‘ ایک بار پھر مقابلے میں واپس آنے والی ہے‘ عنقریب لانچ ہونے والے فون ’نوکیا ایٹ‘ کی تصاویر سوشل میڈیا پر لیک ہوگئیں۔
اینڈرائیڈ فون کے دور میں مقابلے کی دوڑ سے باہر ہونے والا نوکیا اس سال پھر مارکیٹ میں مطابقت پیدا کرنے کی سرتوڑ کوشش کررہا ہے اور اس کے لیے ماضی کے مقبولِ زمانہ فون 3310 کے نئے ورژن کے ساتھ ساتھ نوکیا تھری‘ فائیو اور سکس اینڈرائیڈ اسمارٹ فونز متعارف کرائے گئے،تاہم یہ فون مارکیٹ میں بہت زیادہ مقبول نہیں ہوسکے۔
لیکن اب لگ رہا ہے کہ بازی ایک بار پھر نوکیا کے ہاتھ میں جانے والی ہے ‘ اور یہ کارنامہ سرانجام دے گا نوکیا کا فلیگ شپ فون ’نوکیا ایٹُ‘ جس کی پہلی ہی جھلک نے صارفین میں ہل چل مچادی ہے۔
This is the Nokia 8 https://t.co/YUUbFOgbBX pic.twitter.com/xrHBRx4H8I
— Evan Blass (@evleaks) July 17, 2017
اسمارٹ فون کمپنیوں کی عنقریب آنے والی مصنوعات کی تصاویر لیک کرنے کے حوالے سے مشہورٹویٹر صارف’ ایوان بلاس‘ نے نوکیا 8 کی تصاویر شیئر کردی ہیں‘ جن میں یہ فون واقعی اچھا اور مارکیٹ کی ضرورت کے عین ،مطابق دکھائی دے رہا ہے۔
نوکیا 3310 موبائل فون سترہ سال بعد دوبارہ متعارف
ٹویٹر پر جاری کردہ ان تصاویر سے اس فون کے فیچرز کا اندازہ ہورہا ہے‘ دیکھا جاسکتا ہے کہ یہ فون ورٹیکل ڈوئل ریئر کیمرہ سیٹ اَپ زیسس برانڈڈ آپٹکس، فنگر پرنٹ سنسر اور ہوم بٹن کے ساتھ ہے۔ اس کی اسکرین کناروں سے معمولی خم دار ہے ‘ اب تک ڈسپلے میں یہ فیچر محض سام سنگ استعمال کررہا تھا اور ممکنہ طور پر یہ 5.3 انچ ڈسپلے کے ساتھ ہے۔
ٹیلی کام مارکیٹ سے تعلق رکھنے والے باخبر ذرائع کے مطابق فون میں اسنیپ ڈریگن 835 پراسیسر، لگ بھگ 6 جی بی ریم اور اینڈرائیڈ نیوگیٹ آپریٹنگ سسٹم کے ساتھ 13 میگا پکسل سنسرز والا ڈوئل کیمرہ بھی ہوگا۔
#onemorething pic.twitter.com/boqAIRHpFl
— Evan Blass (@evleaks) July 18, 2017
نوکیا کا یہ نیا فون رواں ماہ کے آخر تک مارکیٹ میں پیش کیے جانے کاامکان ہے اور اس کی قیمت ممکنہ طور پر675 ڈالرز تک رکھی جاسکتی ہے جو
کہا جارہا ہے کہ یہ فون رواں ماہ کے آخر میں یعنی 31 جولائی کو متعارف کرائے جانے کا امکان ہے اور اس کی قیمت 675 ڈالرز تک ہوسکتی ہے جو کہ لگ بھگ 71 ہزار روپیہ ( پاکستانی) ہوگی۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
