نامزد گورنر بلوچستان امیر محمد خان جوگیزئی کی عہدہ قبول کرنے سے معذرت -
The news is by your side.

Advertisement

نامزد گورنر بلوچستان امیر محمد خان جوگیزئی کی عہدہ قبول کرنے سے معذرت

کوئٹہ : ڈاکٹر امیر محمد خان جوگیزئی نے گورنر بلوچستان کا عہدہ قبول کرنے سے معذرت کرلی ہے، ان کا کہنا ہے کہ مجھ پرکسی قسم کا کوئی کیس اور کوئی ایف آئی آر نہیں ہے۔

تفصیلات کے مطابق چند گھنٹے قبل وزیر اعظم عمران خان کی جانب سے نامزد کیے گئے گورنر بلوچستان ڈاکٹرامیر محمد خان جوگیزئی نے عہدہ قبول کرنے سے معذرت کرلی ہے۔

یہ بات انہوں نے سوشل میڈیا پر اپنے ایک ویڈیو پیغام میں کہی۔ ان کا کہنا ہے کہ میرے بھائی اور بھتیجے سب گورنراور وزرا رہ چکے ہیں، لہٰذا میں نہیں چاہتا کہ میری وجہ سے پارٹی یا کسی کے اوپر کوئی حرف آئے ۔

ڈاکٹر امیر محمد خان جوگیزئی نے ویڈیو پیغام میں مزید کہا کہ وزیراعظم عمران خان کی جانب سے اعتماد کرنے پر ان کا شکریہ ادا کرتا ہوں، عمران خان کا احترام میرے لئےہرچیز سے بالاتر ہے، تاہم یہ عہدہ قبول کرنے پر ان سے معذرت کرتا ہوں۔

مزید پڑھیں: وزیراعظم نے ڈاکٹرامیر محمد جوگزئی کو گورنر بلوچستان نامزد کردیا

ڈاکٹرامیرمحمدخان جوگیزئی نے واضح کیا کہ مجھ پر نیب کا یا کسی قسم کا کوئی کیس اور کوئی ایف آئی آر نہیں ہے۔ میڈیا میں میرے خلاف جس کیس کا ذکر ہورہا ہے وہ 2005کا ہے۔

یاد رہے کہ وزیراعظم عمران خان نے امیرمحمد خان جوگیزئی کو گورنر بلوچستان نامزد کرنے کی منظوری دی تھی۔

Comments

comments

یہ بھی پڑھیں