حیدرآباد کا رہائشی صدارتی انتخاب میں حصہ لینے کیلئے تیار
The news is by your side.

Advertisement

حیدرآباد کا رہائشی صدارتی انتخاب میں حصہ لینے کیلئے تیار

کراچی :  حیدرآباد کے رہائشی غیور محمد نے صدارتی انتخاب میں حصہ لینے کے لئے فارم حاصل کرلیا، امیدواروں کے کاغذات نامزدگی حاصل کرنے اور جمع کرانے کی آخری تاریخ27 اگست ہے۔

تفصیلات کے مطابق صدر کے انتخاب کے لیے کاغذات نامزدگی کی وصولی کے سلسلہ شروع ہوگیا ہے، سندھ میں ہائی کورٹ سے امیدواروں کو کاغذات نامزدگی دینے کا آغاز کردیا گیا ہے، خواہش مند رجسٹرار سندھ ہائی کورٹ آفس سے کاغذات وصول کرسکتے ہیں۔

حیدرآباد کے رہائشی غیور محمد نے انتخاب میں حصہ لینے کے لئے فارم حاصل کرلیا ہے۔

رجسٹرار سندھ ہائی کورٹ کا کہنا ہے صدراتی انتخاب کے لئے کاغذات نامزدگی حاصل کرنے اور جمع کرانے کی آخری تاریخ27 اگست ہے، اور صدر مملکت کا انتخاب 4 ستمبر کو ہوگا۔

الیکشن کمیشن کے مطابق امیدوارکاغذات نامزدگی صوبائی پریذائیڈنگ افسران کے پاس ستائیس اگست دن بارہ بجے تک جمع کراسکتے ہیں ، جس کی جانچ پڑتال 29 اگست کو صبح 10 بجے ہوگی، امیدوار کاغذات نامزدگی 30 اگست کو دن 12 بجے تک واپس لے سکیں گے، جس کے بعد امیدواروں کی حتمی فہرست اسی روز دن ایک بجے جاری کی جائے گی۔

مزید پڑھیں : صدراتی انتخاب، پارلیمنٹ کا مشترکہ اجلاس 4 ستمبر کو طلب

واضح رہے کہ صدراتی انتخابات کے لیے پاکستان تحریک انصاف کی جانب سے عارف علوی امیدوار ہیں جب کہ پیپلزپارٹی نے اعتزاز احسن کو امیدوار نامزد کیا ہے لیکن اپوزیشن جماعتوں میں اس نام پر اتفاق رائے نہیں ہوسکا ہے۔

خیال رہے صدر ممنون حسین کی آئینی مدت 9 ستمبر 2018 کو پوری ہورہی ہے ، صدر کی آئینی مدت پوری ہونے سے 30دن قبل انتخابات کرانے ہوتے ہیں۔

Comments

comments

یہ بھی پڑھیں