راولپنڈی: وزیر اعلیٰ خبیر پختونخوا علی امین گنڈاپور کے ناقابلِ ضمانت وارنٹ گرفتاری جاری کرتے ہوئے عدالت نے انہیں 2 اپریل کو پیش کرنے کا حکم دے دیا۔
علی امین گنڈاپور کے وارنٹ گرفتاری انسداد دہشتگردی عدالت کے جج ملک اعجاز آصف نے 9 مئی کے پُرتشدد واقعات میں ملوث ہونے پر جاری کیے۔ ملزم کے خلاف تھانہ سٹی میں مقدمہ درج ہے۔
دوسری جانب علی امین گنڈاپور کو 26 مارچ کو ڈسٹرکٹ الیکشن کمشنر کے سامنے پیش ہونے کیلیے نوٹس جاری رکھا ہے۔ ان کے خلاف اثاثے چھپانے کی درخواست الیکشن کمیشن کو موصول ہوئی تھی۔
متعلقہ: علی امین گنڈاپور مدت پوری نہیں کر پائیں گے، فیصل واوڈا کی پیشگوئی
13 مارچ کو درخواست دائر کرنے کے معاملے پر الیکشن کمیشن کے دو رکنی بینچ نے مختصر تحریری فیصلہ جاری کیا تھا۔
مختصر تحریری فیصلے میں کہا گیا تھا کہ درخواست پر ابتدائی سماعت کی گئی اور کمیشن کو بتایا گیا کہ ڈی آئی خان میں 735 کنال علی امین گنڈاپور کے نام پر عارضی طور پر ٹرانسفر کی گئی، زمین کے اصل مالک آصف خان تھے۔
الیکشن کمیشن کا کہنا تھا کہ علی امین گنڈاپور کی 2020 کے اثاثوں کی تفصیلات کے مطابق انہوں نے لینڈ کروزر گاڑی اسی زمین کو بیچ کر حاصل کی تھی، غلط بیانی پر علی امین گنڈاپور صوبائی اسمبلی کی نشست کے اہل نہیں۔
