راولپنڈی : سول عدالت نے غیرقانونی تعمیرات کے کیس میں شیر افضل مروت کےناقابل ضمانت وارنٹ گرفتاری جاری کرتے ہوئے گرفتار کرکے 30 جولائی کو پیش کرنے کا حکم دے دیا۔
تفصیلات کے مطابق سول عدالت میں شیر افضل مروت کیخلاف راولپنڈی ڈیولپمنٹ اتھارٹی کی جانب سے غیرقانونی تعمیرات کے کیس کی سماعت ہوئی۔
جوڈیشل مجسٹریٹ ڈاکٹر محمد ممتاز ہنجرا نے پی ٹی آئی رہنما کے ناقابل ضمانت وارنٹ گرفتاری جاری کردئیے، ان کے وارنٹ گرفتاری تھانہ نصیر آباد کے ایک مقدمے میں جاری کئے گئے ہیں۔
عدالت نے حکم دیا کہ شیر افضل کو گرفتار کرکے 30 جولائی کو عدالت میں پیش کیا جائے، تھانہ نصیر آباد میں آر ڈی اے نے ان کے خلاف مقدمہ درج کرارکھا ہے۔
شیر افضل پر ٹھلیاں موٹروے انٹرچینج کے قریب پلاٹ پر بغیر منظوری تعمیرات کا الزام ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں