تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

مددگار 15 سروس بند ہونے کا خدشہ

کراچی: شہریوں کی مددگار 15 سروس ادائیگی نہ ہونے کی وجہ بند ہونے کا خدشہ پیدا ہوگیا، سروس چلانے والی کمپنی کو گزشتہ 6 ماہ سے ادائیگی نہیں کی گئی۔

تفصیلات کے مطابق شہریوں کی فوری مدد کو پہنچنے والی مددگار 15 کی سروس بند ہونے کا خدشہ پیدا ہوگیا۔ سندھ پولیس نے 15 سروس چلانے والی کمپنی کو ادائیگی نہیں کی۔

ذرائع کے مطابق کمپنی کو 6 ماہ سے ادائیگی نہیں کی گئی۔ ون فائیو سروس کو پہلے پولیس اہلکار چلاتے تھے بعد میں اسے نجی کمپنی کے سپرد کیا گیا تھا۔

ذرائع کا کہنا ہے کہ کمپنی نے ادائیگی نہ ہونے پر کام بند کرنے کا فیصلہ کرلیا ہے۔

خیال رہے کہ کراچی پولیس چیف غلام نبی میمن نے گزشتہ روز اے آر وائی نیوز سے گفتگو کرتے ہوئے کہا تھا کہ یہ تاثر غلط ہے کہ کوئی کسی کی مدد کرے تو پولیس پیچھے پڑ جاتی ہے، پولیس ہمیشہ مدد کرنے والے کو خراج تحسین پیش کرتی ہے۔

پولیس چیف نے کہا تھا کہ آئی جی صاحب نے بہادر شہری کا پروگرام بھی شروع کیا ہے، کوئی شہری مدد کرتا ہے تو ہم اسے انعامات اور شیلڈ دیتے ہیں۔ ہوسکتا ہے کوئی پولیس اہلکار ذاتی طورپر کسی کو ہراساں کرے۔

انہوں نے کہا کہ کسی شہری کو ہراساں کرنے میں ادارے کا تعلق نہیں ہوتا، کسی اہلکار کا اقدام کرائم کے زمرے میں آتا ہے تو کیس، جیل بھیجتے ہیں۔

Comments

- Advertisement -