نوڈلز جلد تیار ہوجانے والی شے ہے جو بچوں اور بڑوں سب ہی کو پسند ہوتی ہے ۔ لیکن ماہرین نے اس کے ایک نقصان کی طرف اشارہ کیا ہے۔
ماہرین کے مطابق فوری تیار ہو جانے والی نوڈلز کا استعمال دل کی بیماریوں اور ذیابیطس کا باعث بن رہا ہے اور اگر آپ ہفتہ میں دو سے تین دفعہ بھی نوڈلز کھاتے ہیں تو آپ کو اپنی صحت کے متعلق فکر مند ہو جانا چاہیئے۔
سائنسی جریدے جرنل آف نیوٹریشن میں شائع ہونے والی تحقیق میں نوڈلز کے بڑھتے ہوئے استعمال پر شدید تشویش کا اظہار کیا گیا ہے۔
تحقیق میں تازہ غذاؤں کے مقابلے میں انسٹنٹ نوڈلز کے صحت پر اثرات کا مطالعہ کیا گیا۔
مزید پڑھیں: نوڈلز کیسے بنائے جاتے ہیں؟
ماہرین نے مشرقی ممالک میں مشہور ریمن نوڈلز کے ہاضمے کے عمل کا خصوصی طبی کیمروں اور ٹیسٹوں کے ذریعے تجزیہ کیا تو معلوم ہوا کہ ان میں موجود کیمیکل ٹی بی ایچ کیو کی وجہ سے نوڈلز کے انہضام کا عمل تازہ خوراک کی طرح نہیں ہو پاتا اور صحت کے شدید مسائل بشمول امراض قلب کا سبب بنتا ہے۔
کیمیکل ٹی بی ایچ کیو پیٹرولیم انڈسٹری میں استعمال ہونے والے کیمیکل بیوٹین کے ساتھ اضافی پراڈکٹ کے طور پر پیدا ہوتا ہے۔
سائنسدانوں نے خبردار کیا ہے کہ انسٹنٹ نوڈلز کا استعمال اپنی اور بچوں کی زندگی کے ساتھ کھیلنے کے مترادف ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
