The news is by your side.

Advertisement

رمضان المبارک پرپالیسی کا فیصلہ علمائے کرام سے مشاورت کے بعد ہوگا ،پیرنورالحق قادری

اسلام آباد : وفاقی وزیرمذہبی امور پیرنورالحق قادری کا کہنا ہے کہ مساجد،رمضان المبارک پرپالیسی کا فیصلہ علما ئے کرام سے مشاورت کے بعد ہوگا اور پالیسی پورے ملک کی ہوگی ۔

تفصیلات کے مطابق وفاقی وزیرمذہبی امور پیرنورالحق قادری نے اپنے بیان میں کہا ہے کہ کورونا وائرس کے اثرات کامعاشرے سے نکلنا مشکل لگتا ہے، کورونا وائرس ایسی وبا ہے جس کا کسی علاقے یا کسی مذہب سے تعلق نہیں ہے۔

وفاقی وزیرمذہبی امور کا کہنا تھا کہ مساجد،رمضان المبارک سےمتعلق پالیسی پورے ملک کی ہوگی ، مساجد،رمضان المبارک پرپالیسی کا فیصلہ علما ئے کرام سے مشاورت کے بعد ہوگا ، وزیراعظم نےحکم دیا ہے مذہبی سیاسی جماعتوں سے رابطہ کریں۔

پیرنورالحق قادری نے کہا کہ کورونا سے محفوظ رمضان لوگوں کودینے کیلئے علما ہماری رہنمائی کریں گے، آزمائش کی اس گھڑی میں ہمیں اختلافات سے اجتناب کرنا ہوگا، صوبائی حکومتوں کو ہدایت کی گئی علمائےکرام سے اچھے ماحول میں ڈیل کیاجائے۔

Comments

یہ بھی پڑھیں