پاکستانی ڈرامہ انڈسٹری کے معروف اداکار نور حسن کی دلچسپ ویڈیو سوشل میڈیا پر وائرل ہوگئی۔
اداکار نور حسن اے آر وائی ڈیجیٹل کے ڈرامے ’بے نام‘ میں مرکزی کردار ادا کررہے ہیں، اداکار نے ڈرامے کی شوٹنگ کے دوران ایک سین کی ویڈیو شیئر کی۔
ویڈیو میں دیکھا جاسکتا ہے کہ نور حسن اور کومل میر ایک سین شوٹ کروا رہے ہیں اسی دوران انہیں کوئی ٹوک دیتا ہے۔
نور اور کومل کو سین کی شوٹنگ کے دوران جیسے ہی روکا جاتا ہے تو دونوں بے ساختہ مسکرانا شروع کردیتے ہیں۔
اداکار کو پھر کہا جاتا ہے کہ ’نور آپ اپنا کالر ٹھیک کرلیں، نور کہتے ہیں کہ آپ کو بڑی جلدی یاد آگیا، کہیں آپ میرا دھیان بٹانے کی کوشش تو نہیں کررہے۔‘
View this post on Instagram
مداحوں کی جانب سے نور حسن کی ویڈیو کو خوب سراہا جارہا ہے اور اس پر تبصرے بھی کیے جارہے ہیں۔
واضح رہے کہ ڈرامہ سیریل بے نام کی کہانی دو بہنوں عائزہ اور ایمل کے گرد گھومتی ہیں جو اپنے سوتیلے والد کے ساتھ رہ رہی ہیں، ان کے والد ان کے پیدا ہونے سے قبل ہی انہیں چھوڑ کر جاچکے ہیں۔
View this post on Instagram
ڈرامے کی دیگر کاسٹ میں کومل میر، انوشے عباسی، وسیم عباس، شازیل شوکت، نادیہ حسین، بابر علی، نور حسن اور غنا علی شامل ہیں۔
ڈرامہ سیریل بے نام اے آر وائی ڈیجیٹل سے ہر شام 7 بجے نشر کیا جاتا ہے۔