The news is by your side.

Advertisement

مدارس کی بندش اور پولیو ویکسین پروپیگنڈا، عوام جھوٹ کا ساتھ نہ دیں، نور الحق قادری

پشاور: وفاقی مذہبی امور برائے بین المذہب ہم آہنگی نور الحق قادری نے کہا ہے کہ مدارس اور پولیو ویکسین کے خلاف خلاف پروپیگنڈا کیا جارہا ہے عوام اس کا حصہ نہ بنیں اور سازشیوں سے دور رہیں۔

وفاقی مذہبی امور کا کہنا تھا کہ پاکستان کو فلاحی ریاست بنانا حکومت کی اولین ترجیح ہے، مدارس کی بندش کے خلاف ایک گروہ نے حکومت کے خلاف پروپیگنڈا شروع کردیا عوام اُن کے جھانسے میں نہ آئیں۔

بعد ازاں نور الحق قادری نے پشاور میں علما کا اجلاس طلب کیا جس میں مختلف معاملات پر تفصیلی غور کیا گیا۔ میڈیا سے گفتگو کرتے ہوئے وفاقی وزی کا کہنا تھا کہ کوئٹہ دہشت گردی کے متاثرہ خاندانوں کے دکھ میں برابر کے شریک ہیں، تمام علماء نے ملوث عناصر کی گرفتاری کا فوری مطالبہ کیا۔

مزید پڑھیں: پولیو ورکرز کو سیکیورٹی خطرات، ملک بھر میں انسداد پولیو مہم معطل

اُن کا کہنا تھا کہ دورانِ اجلاس تمام علماء نے مفتی تقی عثمانی پرحملےکی مذمت کی اور ملوث عناصرکو فوری گرفتار کرنے کا بھی مطالبہ کیا۔

پولیو مہم کے خلاف جاری پروپیگنڈے پر نور الحق قادری کا کہنا تھا کہ انسدادپولیو کے لیے محکمہ صحت،عالمی تنظیموں کےساتھ علماء تعاون کریں گے ، ویکسین سے متعلق پروپیگنڈے سے گریز کیا جائے۔

وفاقی وزیر برائے مذہبی امور کا کہنا تھا کہ حکومت پنجاب کے بعد دیگر صوبوں میں بھی علما بورڈقائم کرنے جارہی ہے تاکہ مذہبی معاملات کو مزید بہتر انداز سے حل کیا جائے۔

Comments

comments

یہ بھی پڑھیں