The news is by your side.

Advertisement

سعودی حکومت سے گزارش ہے دیگر شہروں میں روڈ ٹو مکہ سہولت دی جائے، نور الحق قادری

ملتان: وفاقی وزیرمذہبی امورنورالحق قادری نے کہا کہ سعودی حکومت سےگزارش ہےدیگرشہروں میں روڈٹومکہ سہولت دی جائے ، گزشتہ ادوارکےحج کی نسبت آج کےحج میں زیادہ آسانیاں ہیں۔

تفصیلات کے مطابق ملتان میں وفاقی وزیرمذہبی امورنورالحق قادری نے کہا کہ سعودی حکومت کو حج مسائل پر سفارش اور بات کر سکتے ہیں، حاجی کی آسانی کے لئے مشاورتی ورکشاپس منعقد کی جاتیں ہیں، گزشتہ ادوار کے حج کی نسبت آج کے حج میں زیادہ آسانیاں ہیں۔

وزیر مذہبی امور کا کہنا تھا کہ سعودی حکومت سے گزارش ہے دیگر شہروں میں روڈ ٹو مکہ سہولت دی جائے، گزشتہ سال حج میں ای ویزہ متعارف کرایا اور گلگت بلتستان میں عارضی حج ڈائریکٹوریٹ کا انتظام کیا۔

مولانا فضل الرحمان کے حوالے سے نورالحق قادری نے کہا کہا فضل الرحمان کی جیبیں بڑی ہیں ہمیں بھی دکھائیں کہ ان میں کیاہے۔

مزید پڑھیں : حج 2020 کی پالیسی تجاویز کی روشنی میں بنائی جائے گی، وفاقی وزیر مذہبی امور

یاد رہے وفاقی وزیر برائے مذہبی امور و بین المذاہب ہم آہنگی نورالحق قادری نے کہا تھا کہ قابل عمل تجاویز کی روشنی میں آئندہ سال سرکاری حج کی پالیسی ترتیب دی جائے گی، مدینہ منورہ میں پہلی بار ایک لاکھ23 ہزار حاجیوں نے مرکزیہ میں قیام کیا، وزیراعظم عمران خان باقی 4 شہروں کے لیے روڈ ٹو مکہ پروجیکٹ منظور کریں گے۔

وفاقی وزیر کا مزید کہنا تھا کہ آج کا حاجی وائی فائی کے زمانے کا ہے، ایک صاحب نے تو کنکریاں مارتے وقت شیطان کے ساتھ سیلفی بنائی تھی۔

Comments

comments

یہ بھی پڑھیں