The news is by your side.

Advertisement

سال 2020 میں حج پر جانے والے عازمین کیلئے اہم خبر

اسلام آباد : وزیر مذہبی امور نور الحق قادری آئندہ ماہ نئی حج پالیسی کابینہ اجلاس میں پیش کریں گے، کابینہ سے منطوری کے بعد حج پالیسی کا اعلان کیا جائے گا۔

تفصیلات کے مطابق وزارت مذہبی امور نے حج پالیسی پر کام شروع کر دیا، وزیر مذہبی امور نور الحق قادری نے حج پالیسی پر ہدایات جاری کردیں ہیں ،
نور الحق قادری آئندہ ماہ نئی حج پالیسی کابینہ اجلاس میں پیش کریں گے۔

اسلام آباد:وفاقی کابینہ سے منطوری کے بعد حج پالیسی کا اعلان کیا جائے گا ، وزیر مذہبی امور کا کہنا ہے کہ حاجیوں کی آسانی کےہر ممکن اقدامات کیے جائیں گے۔

یاد رہے گذشتہ سال دسمبر میں سینیٹ کی ذیلی کمیٹی برائے مذہبی امور کے اجلاس میں سیکریٹری مذہبی امور نے بریفنگ دیتے ہوئے کہا تھا کہ حج 2020 کے اخراجات گزشتہ سال سے زیادہ ہونے کا امکان ہے، سرکاری اسکیم کے تحت حج اخراجات 4 لاکھ 89 ہزار روپے متوقع ہیں، گزشتہ سال حج اخراجات 4 لاکھ 26 ہزار روپے تھے۔

مزید پڑھیں : حج 2020 کے اخراجات گزشتہ سال سے زیادہ ہونے کا امکان

سیکریٹری مذہبی امور کا کہنا تھا کہ سعودی عرب کے عائد ٹیکسز کی وجہ سے حج اخراجات میں اضافہ ہورہا ہے، سعودی عرب نے حج اخراجات 2400 سے 2650 ریال کردئیے ہیں۔

بریفنگ میں بتایا گیا تھا کہ حکومتی کفایت شعاری سے گزشتہ حج پر 5 ارب 53 کروڑ روپے حاجیوں کو واپس کیے، اوسطاً فی حاجی 37 ہزار روپے واپس کیے گئے، 70 فیصد حاجیوں کو بچ جانے والی رقم واپس کی گئی۔

خیال رہے پاکستان اور سعودی عرب کے درمیان حج معاہدہ 2020 طے پاگیاہے، جس کے تحت آئندہ حج کے موقع پر 2 لاکھ پاکستانی عازمین فریضہ حج ادا کریں گے۔

fb-share-icon0
Tweet 20

Comments

comments

یہ بھی پڑھیں