The news is by your side.

Advertisement

موٹاپے کا شکار نورالحسن کی نماز جنازہ ادا کردی گئی

صادق آباد: موٹاپے کا شکار نورالحسن کی نماز جنازہ مرکزی عیدگاہ میں اداکر دی گئی، اس موقع پر شہریوں نے بڑی تعداد میں شرکت کی۔

تفصیلات کے مطابق لاہور کے اسپتال میں موٹاپے کے شکار صادق آباد کے رہایشی نور الحسن کا انتقال ہو گیا تھا، نورالحسن کی 2 ہفتے قبل سرجری کی گئی تھی۔

انتقال کے بعد نورالحسن کو صادق آباد کے علاقے فتہ کٹہ کے قبرستان میں سپردخاک کردیا گیا، اس موقع پر شہریوں کی بڑی تعداد نے نمازجنازہ میں شرکت کی۔

خیال رہے کہ گذشتہ روز ڈی جی آئی ایس پی آر کا ٹویٹ کرتے ہوئے کہنا تھا کہ آرمی چیف جنرل قمر جاوید باجوہ نے موٹاپے کے شکار نور الحسن کے انتقال پر گہرے رنج و غم کا اظہار کیا۔

آرمی چیف کا نور الحسن کے انتقال پر گہرے رنج کا اظہار

نور الحسن کی موت کے سلسلے میں یہ تنازع کھڑا ہو گیا ہے کہ اس کی موت کس وجہ سے ہوئی، ڈاکٹر معاذ کے مطابق اسپتال میں ڈلیوری کے دوران ایک خاتون انتقال کر گئی تھیں، خاتون کے لواحقین نے اشتعال میں آ کر اسپتال میں توڑ پھوڑ کی جس کی وجہ سے نور الحسن سمیت دو افراد انتقال کر گئے۔

Comments

یہ بھی پڑھیں