The news is by your side.

Advertisement

نوری آباد کے قریب ٹریلر اور دو گاڑیوں میں تصادم، 7 افراد جاں بحق

حیدرآباد: نوری آباد کے قریب ٹریلر اور دو گاڑیوں میں تصادم کے نتیجے میں 2 خواتین اور 2 بچوں سمیت 7 افراد جاں بحق ہوگئے، حادثہ لونی کوٹ کے قریب پیش آیا۔

ریسکیو ذرائع کے مطابق تصادم کے بعد گاڑی کے سلنڈر پھٹنے سے ایک گاڑی میں آگ بھڑک اٹھی اور اس میں موجود 7 افراد جھلس کر جاں بحق ہوگئے۔

پولیس کے مطابق ٹریلر اور دونوں گاڑیاں کراچی سے حیدرآباد جارہی تھیں، اس دوران لونی کوٹ کے مقام پر پیچھے سے آنے والے ٹریلر نے آگے والی گاڑیوں کو ٹکر ماری، پیچھے سے ٹکر لگنے کی وجہ سے اگلی گاڑی میں لگا گیس کا سلنڈر پھٹ گیا اور اس میں آگ بھڑک اٹھی۔

ریسکیو ذرائع کے مطابق حادثے میں 7 افراد جاں بحق ہوئے لیکن معجزانہ طور پر ایک بچی محفوظ رہی، لاشوں اور متاثرہ بچی کو اسپتال منتقل کردیا گیا ہے، جبکہ حادثے کا شکار ہونے والے متاثرہ افراد کی شناخت کا عمل جاری ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔

Comments

comments

یہ بھی پڑھیں