ممبئی: بالی وڈ کی نامور اداکارہ نورا فتیحی نے فیفا ورلڈ کپ 2022 کے ترانے کا ٹریلر شیئر کر دیا جو سوشل میڈیا پر وائرل ہو رہا ہے۔
نورا فتیحی بھارت کی پہلی اداکارہ ہیں جو فیفا ورلڈ کپ 2022 کا حصہ بنی ہیں۔ اداکارہ فیفا کے آفیشل ترانے کی ویڈیو میں نظر آئیں گی جبکہ اس کی افتتاحی اور اختتامی تقریبات میں بھی پرفارم کریں گی۔
انہوں نے آج اپنے انسٹا گرام سے فیفا کے ترانے کا ٹریلر شیئر کر دیا جس میں انہیں دیگر بین الاقوامی فنکاروں کے ساتھ دیکھا جا سکتا ہے۔
مزید پڑھیں: نورا فتیحی فیفا ورلڈ کپ 2022 کی میوزک ویڈیو کا حصہ بن گئیں
اداکارہ نے لکھا: ’یہ وقت فیفا ورلڈ کپ کے لیے ہے۔ اس کے آفیشل ترانے ’لائٹ دی اسکائی‘ میں رنگوں کی جھلک موجود ہے‘۔
View this post on Instagram
واضح رہے کہ فیفا ورلڈ کپ 21 نومبر سے قطر میں شروع ہو رہا ہے جس کا فائنل 18 دسمبر کو ہوگا۔ اس دوران کُل 64 میچ کھیلے جائیں گے۔
ورلڈ کپ کی افتتاحی اور اختتامی تقریبات میں نورا فتیحی کے علاوہ مشہور شخصیات پٹبل، جینیفر لوپیز اور شکیرا بھی جلوہ گر ہوں گی۔