site
stats
سندھ

لاپتا نورین لغاری کے گرفتار ہونے کی اطلاعات

لاہور: داعش میں مبینہ طور پر شامل ہونے والی حیدرآباد کی طالبہ نورین لغاری کو گرفتار کیے جانے کی اطلاعات موصول ہوئی ہیں۔


لاہورمیں ایسٹرپردہشت گردی کی بڑی کوشش ناکام،آئی ایس پی آر


 تفصیلات کے مطابق لاہور میں انٹیلی جنس اداروں نے ایسٹر کے موقع پر دہشت گردی کی بڑی کوشش ناکام بنا دی ہے، کارروائی میں ایک دہشت گرد مارا گیا اور ایک خاتون کو گرفتار کرلیا گیا ہے۔

تازہ اطلاعات موصول ہوئی ہیں کہ گرفتار ہونے والی عورت حیدر آباد لیاقت یونیورسٹی کی طالبہ نورین لغاری ہوسکتی ہے جو کہ حیدر آباد سے لاہور جاتے ہوئے اچانک غائب ہوگئی تھی، جس کے بارے میں کہا جارہا تھا کہ وہ داعش میں شامل ہوگئی ہے اور اس کے شام چلے جانے کا خدشہ ہے۔

اے آر وائی نیوز لاہور کے نمائندے بابر خان کے مطابق لاہور فیکٹری ایریا میں کی گئی کارروائی میں مزید پیش رفت سامنے آئی ہے، حساس اداروں کو جائے وقوع سے ایک شناختی کارڈ کی کاپی ملی ہے جو کہ عبدالجبار نامی شہری کی ہے۔

جائے وقوع سے ملنے والا شناختی کارڈ نورین کے والد کا نکلا

حساس اداروں کے مطابق شناختی کارڈ کی یہ فوٹو کاپی نورین لغاری کے والد عبدالجبار کی ہے جنہیں تفتیش کے لیے طلب کرلیا گیا۔

ذرائع سے اطلاعات موصول ہوئی ہیں کہ واقعہ میں گرفتار ہونے والی عورت طالبہ نورین لغاری ہی ہے تاہم ابھی یہ اطلاعات غیر مصدقہ ہیں ان کی تصدیق کا عمل جاری ہے۔

شناختی کارڈ کی کاپی میری ہے، والد نورین 

دوسری جانب نورین کےوالد عبدالجبار نے کہا ہے کہ شناختی کارڈ کی کاپی میری ہی ہے لیکن یہ نہیں کہہ سکتا کہ وہ وہاں تک کیسے پہنچا۔

انہوں نے کہا کہ تاحال نورین کا کچھ پتا نہیں چلا کہ وہ کہاں اور کس حال میں ہے

نورین لغاری کون ہے اس بارے میں کئی بار تفصیل سے خبریں شائع ہوچکی ہیں مزید جاننے کے لیے لنک پر کلک کریں:

کون ہے یہ نورین لغاری؟؟

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top